Русский  >>  فارسی  >>  Ҷумъа 9 декабр 2016, 05:02

Тоҷикистон дар рейтинги ҷалби сармоягузорон 154-ум шуд

21 июл 2011, 06:02

Дар феҳрасти муҳайё сохтани шароити мусоид барои ҷалби сармоя аз миёни 212 кишвар Тоҷикистон дар зинаи 154-ум қарор гирифт.


Ба иттилои оҷонсии миллии рейтингии Русия аз миёни кишварҳои Осиёи Марказӣ натиҷаи беҳтарро Қазоқистон соҳиб шудааст. Ин кишвар мақоми 93-юмро муаррифӣ мекунад. Дар рейтинги мазкур Қирғизистон дар ҷои 131 ва Ӯзбакистон дар зинаи 178-ум қарор доранд.
Тибқи хулосаи пажӯҳиш зинаи аввал насиби Дания шудааст. Финляндия ва Швейсария низ барои муҳайё сохтани шароитҳои мусоид, ки боиси ҷалби бештари сармоя мешавад, мутаносибан дар мақомҳои дуюм ва сеюм нишастаанд.  
Ба иттилои манбаъ ҳангоми омодасозии рейтинг чандин нишондиҳанда ба назар гирифта шудааст. Шароити зиндагии аҳолӣ, мизони озодии иқтисодӣ, сатҳи ришвату фасод аз нуктаҳои асосие будаанд, ки зимни таҳияи рейтинг пажӯҳишгарон ба он таваҷҷӯҳи бештаре кардаанд. {jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!