Русский  >>  فارسی  >>  Сешанбе 6 декабр 2016, 10:49

Арзиши қасри духтари президент дар Амрико 35 миллион доллар гуфта мешавад

26 июл 2013, 11:59

Духтари хурдии райиси ҷумҳури Узбакистон қасраш дар Беверли-Хиллз, штати Калифорнияи Амрикоро 25 миллион доллар арзонтар харидааст. Дар ин бора торнамои curbed.com хабар медиҳад.

Ба иттилои манбаъ, замоне барои қасри Le Palais дар Калифорния 58 миллион доллар пурсида мешуд, аммо Лола Каримова бо қимати 32.75 миллион доллар онро ба даст овардааст.

Қаблан, гуфта мешуд, ин қаср, ки зери тарроҳии Муҳаммад Хадид бунёд шудааст, 58 миллион доллар нарх дорад. Он ҳудуди 4,5 ҳазор мери мураббаъ буда, аз ҳафт утоқи хоб, 11 ҳаммом (бо иловаи як ҳаммоми туркӣ), толор ва кинотеатр барои 50 ҷой иборат аст.

Дар гузашта низ ВАО аз харҷи маблағҳои зиёди духтарони президенти Узбакистон дар хориҷ аз кишвар хабар дода буданд. Барои мисол, соли 2010 гуфта шуд, ки Лола Каримова дар Женеве қасреро бар ивази 41 миллион доллар харидорӣ кардааст. Гулнора Каримова, духтари бузурги Ислом Каримов бошад, бустонсароеро дар Швейтсария 18 миллион доллар харидааст.

Лола Каримова аз соли 2008 намояндаи Узбакистон дар ЮНЕСКО аст.



Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шумо факат касрхои духтарони раис чумхурхои ким кадом давлатхои хамсояву давлатхои бегонаро назазорат мекунед. Оё касрхои духтарони раис чумхури худамон ба шумо маълум нест? Инхо хам аз дигар духтарони президентхо камбуди надоранд,,,,
Посух додан
  • Салмон

  • 26 июл 2013 23:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Азони духтари президенти точ,икистон чи?!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!