Русский  >>  فارسی  >>  Панҷшанбе 8 декабр 2016, 05:10

Беш аз 15 ҳазор духтари то 35 солаи тоҷик бешавҳар будаанд

27 июл 2013, 10:39

Сумангул Тағоева, раиси Кумитаи занони Тоҷикистон теъдоди духтаронеро, ки аз 30 то 35 сол дошта, ҳанӯз шавҳар накардаанд, 15 ҳазору 315 нафар гуфт.

Сумангул Тағоева дар суҳбат бо хабарнигори “Озодагон” сабабҳои аслии бешавҳар мондани духтаронро муҳоҷирати меҳнатӣ ва бемориҳо арзёбӣ кард. Аммо афзуд, ки “баъзе духтарон ҳастии худро ба касбу кор ва илм бахшиданд ва намехоҳанд шавҳар кунанд”.

-Духтароне, ки зери сини 40 ҳастанд ва шахсан ман мешиносам, ҷанги шаҳрвандӣ сабаби бешавҳар монданашон гардидааст,-илова кард ӯ.

Созмони ҷаҳонии муҳоҷират, СММ ва Бонки ҷаҳонӣ, оид ба раванди муҳоҷират дар Осиёи Миёна ва Русия моҳи марти соли равон дар гузорише гуфтанд, ки муҳоҷирати меҳнатӣ мардонро дар Тоҷикистон камёфт карда, боиси он шудааст, ки 300 ҳазор зани ҳудуди 30-солаи тоҷик бешавҳар монанд. Муаллифони гузориш навишта буданд, ки ҳарчанд расман дар Тоҷикистон теъдоди мардон аз занҳо 0,6 дарсад зиёд бошад, амалан муҳоҷират боиси он шудааст, ки занон нисбат ба мардон дар кишвар бештар мондаанд.

Дар гузориш нишон дода шудааст, ки 30 дарсади тоҷикони муҷаррад дар муҳоҷират хонадор мешаванд: “Баробари муҷаррадҳо нисфи мардони зандор ҳам дар муҳоҷират никоҳҳои тақаллубӣ мебанданд. Ин боиси он мешавад, ки бисёре аз хонаводаҳо дар Тоҷикистон аз ҳам мепошанд. Аллакай ин равандҳо ба он оварда расондаанд, ки 300 ҳазор зани ҳудуди 30-солаи тоҷик бешавҳар мондаанд”.







Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!