Мухлиси футбол ба ваъдааш вафо карда, 1000 км-ро пиёда тай намуд
Воҳид Чехай, як мухлиси клуби «Бавария»-и Мюнхен баъди пирӯзии ин даста дар Лигаи қаҳрамонҳо аз манзилаш то варзишгоҳи «Бавария» наздики 1000 километрро пиёда тай кардааст.
Бино ба иттилои расонаҳо ӯ 10-уми июн аз шаҳри Бугойнои Босния ба роҳ баромада, 22-юми июл дар назди варзишгоҳи Мюнхен расидааст. Чехайи 45-сола бо футболкаи «Бавария» то расидан ба Мюнхен аз қаламрави панҷ кишвар, Босния ва Гертсеговина, Хорватия, Словения, Австрия ва Олмон гузаштааст.
Воҳид дарҳол ба беморхонаи Мюнхен рафтааст, зеро дар роҳ пойҳояш варам кардаанд. Ӯ ҳамчунин 12,5 кило хароб шудааст. Дар бозгашт ба автобус нишастааст.
Соли 2010 Чехай изҳор дошта буд, ки агар клуби дӯстоштааш бори панҷум ғолиби Лигаи қаҳрамонҳо шавад, то варзишгоҳи «Бавария» пиёда меравад. Аммо он замон футболбозони Мюнхен дар қисмати финалӣ аз «Интер»-и Милан шикаст хӯрданд. Баъди ду сол «Бавария» натавонист «Челси»-и Лондонро мағлуб созад. 25-уми майи соли 2013 бошад, «Бавария» бар «Боруссия» дастболо шуд ва панҷумин маротиба дар таърихи худ барандаи Лигаи қаҳрамонҳо гардид.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |