Русский  >>  فارسی  >>  Якшанбе 4 декабр 2016, 21:18

Интиқоди вазир аз кашолкории эрониҳо дар “Истиқлол”

29 июл 2013, 11:42

Низом Ҳакимов, вазири нақлиёти Тоҷикистон, аз таъхиркории ҷониби Эрон барои таҷдиди нақби "Истиқлол" дар гарданаи Анзоб интиқод намуда, изҳор дошт, ки ба ҳукумат пешниҳод намудаанд, ё ҷониби Эрон корро ҷиддӣ бигирад ё аз идомаи кор дар нақб даст кашад.

Ҳакимов рӯзи душанбеи 29-уми июл, зимни нишасти матбуотӣ дар Душанбе, гуфт, таҷдиди нақби “Истиқлол” бояд моҳи май пурра ба анҷом мерасид, аммо аз ҷониби Эрон маблағ ҷудо нагардиданд ва ин корро ба таъхир гузошт. Ба гуфтаи вазир, барои анҷоми таҷдиди нақби Истиқлол 6 миллион доллари амрикоӣ зарур аст, ки аз ин 3 миллионашро бояд Эрон пардохт кунад, аммо то ҳол ҳамагӣ 1 миллионро ҷудо намудаасту халос.

Низом Ҳакимов афзуд, агар эрониҳо аз ин нақб даст кашанд, чиниҳо омадаанд, таҷдиди онро базудӣ ба анҷом расонанд. Аммо эрониҳо ҳам ба далели он ки ин лоиҳа ду бор аз ҷониби руасои ду кишвар тасвиб шудааст, мегӯянд, худашон сохтмони онро ба анҷом хоҳанд расонд.

Бояд гуфт, бунёди нақби “Истиқлол”, ки дар гарданаи Анзоб воқеъ асту шаҳри Душанберо бо шимоли кишвар пайваст мекунад, аз соли 1998 бо кӯмаки молии Эрон аз ҷониби ширкати “Собир Интернешнл” оғоз шуда буд. Моҳи майи соли 2003 Душанбе ва Теҳрон барои анҷом корҳои сохтмонӣ Ёддошти тафоҳумро тасвиб карданд. Барои иҷрои ин тарҳ 39 миллион доллар ихтисос шуда, аз ин миён 21 миллион доллар кумаки билоивази Эрон мебошад. Айни ҳол бо вуҷуди ифтитоҳи расмии нақб вазъи он ногувор буда, мусофирон зимни убури он ба мушкилиҳо дучор мешаванд.

Вазири нақлиёт мегӯяд, дар ҳоли ҳозир ширкати IRS барои ҳафт нафар маош таъин намудааст ва онҳо дар нақб ба таҷдиди он машғуланд.


Шарҳи худро бинависед:

Ном:*
E-Mail:
Матни шарҳ:
Посух додан
  • jilo

  • 29 июл 2013 12:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
боз Онхо айбдоранд...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам Вазир кори хуб кардед, ки барои идомаи корхои тачдид шарт гузоштед. Бовар кунед 3 сол пеш аз хамин накб гузашта будам ва як мох пеш боз гузаштам холо хам хамон хел аст. Яъне дар шароити пасттарин. Торик, дароз, хавои танг, аз таги рох об мебарояд, арматурхои таги рох баромадаги балоноя мекафонад. Аз боло об мерезад. Э камтар шарм доред... Боз шарм надошта IRS пул мегирад... Дар дохили хамон накб ки даромадам маргу гур ба хаёлам мерасад. Точикистон дар асри 21.. Шарм аст камтар ба номус оед...

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!