Русский  >>  فارسی  >>  Якшанбе 4 декабр 2016, 11:05

Давлатов ҷойгузини полковники боздошткардаи Оҷонсии фасод шуд

29 июл 2013, 14:28

Оҷонсии мубориза бо фасоди Тоҷикистон мегӯяд, ахиран полковники милитсия, Хайриддин Алиев, собиқ сардори шуъбаи умури дохилии ноҳияи Панҷакентро ҳангоми гирифтани пора дар ҳаҷми 4 ҳазор доллари амрикоӣ боздошт намудаанд.

Фаттоҳ Саидов, раиси Оҷонсии фасод имрӯз, 29-уми июл, зимни нишасти матбуотӣ дар Душанбе гуфт, полковник Алиев дар симмати сардори шуъбаи умури дохилии Панҷакент ба ҳар восита барои гузаронидани корҳои оперативӣ ҷустуҷӯӣ аз рӯи парванда алайҳи худаш монеа эҷод мекард. Ба гуфтаи Саидов ин полковники милитсия шоҳидони парвандаро барои берун рафтан аз кишвар розӣ карда худаш ба бозпурсиҳои муфаттиши Оҷонсии фасод ҳозир намешудааст. Аммо баъди оне, ки аввали моҳи равон аз симмати сардори шуъбаи умури дохилии Панҷакент гирифта шуд, дарҳол боздошт гардидааст.

Ин дар ҳолест, ки 16-уми июли соли равон бо фармони вазири умури дохилии Тоҷикистон ба ҷои Хайриддин Алиев, Раҳмон Давлатов, аз мунтақидони шадиди Оҷонсии зидди фасод, раҳбари Идораи пулиси Панҷакент таъин шуд.

Оқои Давлатов рӯзи дувуми июли соли ҷорӣ дар симмати сардори Раёсати амнияти дохилии ВКД дар Душанбе гуфт, “рафтори кормандони Оҷонси зиддифасод аз доираи қонунгузорӣ берун буда, ҳама тартиботи муқарраршударо вайрон мекунад.”

Вай таъкид карда буд, садҳо далел дорад, ки “чи гуна кормандони ин ниҳод бо сӯистифода аз вазифа ва шаҳодатномаи хизматӣ аз ҷавобгарӣ сар печида, дар баробари ин дигаронро ба фасод ва шиносбозӣ маҷбур мекунанд.” Ин масъули ВКД гуфта буд, миёни кормандони Оҷонсии мубориза бо фасод шояд ҳамагӣ 5 дарсад масъулиятнок бошанду халос.



Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамон масъули ВКД рост гуфтааст, дар ин очонси умуман саводу саводноке нест, ку як нафар аз он очонсиро номбар созанд ки сохиби сертификатхои чахонии CPA, CIMA, ACCA буда аз мухосиботу хисобраси бохабар аст? Хама бо пора ба ончо сохиби вазифа гардидаву факат аз паи муаллимону духтурони бенавоянд. Ку сохиби як касру мансаби калонро дастгир намоянд. Чаро Зайд Саидовро пас аз 8 соли аз вазифа рафтан имруз гунахкор донистанд? Кучо шуд мухлати гузариши даъво? То имруз ин очонсиву кормандони "ба ору номус"-и он кучо буданд? Як ба атрофи шахр бингаред, чи гуна бо маоши хукумати мансабдорон дорои касрхои бохашамати зиёда аз 100000 долл ё мошинхои пуркиммату корхонаву магозаву тарабхонахоянд?
Худованд кормандони нобинои ин очонсиро ба чазои худ гирифтор созад!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
холи вакту соатш мияки Фатох Саидуфа хдша дасгир кнан.

Посух додан
  • Тохирчон

  • 7 январ 2014 13:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Фасод агар ба мукобили ашхоси баландпояи давлати ва раисони шахру нохияро дар бар нагирад ахиран ин миллату давлатро решакан хохад кард.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!