Баҳси як акс: Зиндагӣ дар пойтахт рӯ ба таназзул овардааст?
Интишори як “Акси рӯз” аз шаҳри Душанбе бо вокунишҳои корбарони шабакаи иҷтимоии Фейсбук рӯбарӯ гашта, бархе аз онҳо гуфтаанд, зиндагӣ дар пойтахт рӯ ба таназзул овардааст.
Ин акси яке аз истгоҳҳои пойтахт мебошад, ки дар он қолинҳо барои хушк кардан овезон карда шудааст.
Худи гузорандаи ин акс навиштааст, ки сабаби овезон шудани қолин дар истгоҳҳо набудани нақлиёти мусофирбари ҷамъиятӣ мебошад.
Аз сӯи дигар, модератори “Платформа” (гуруҳе, ки дар он акс нашр шудааст) мегӯяд, дар қуттии партовгоҳе бо забони чинӣ навиштаеро хондаам, ки чунин мазмун дорад: “Ман инро бешухӣ мегӯям!” Ба гуфтаи ӯ, чиниҳо алакай пешакӣ дар инҷо ҳама чизро барои худ омода кардаанд.
Яке аз корбарони дигари ин шабака дар посух ба гуфтаи медератор навиштааст, “аз пушти ҳамин чиниҳо мардуми мо дар қуттии партовгоҳҳо чӣ навишта шудааст намедонанд ва ҳар куҷо хоҳанд партовро мепартоянд.”
Баҳсҳои корбарони шабакаи мазкур хеле тӯлонию гарм давом карда, бештари онҳо гуфтаанд, зиндагӣ дар Душанбе рӯ ба таназзул овардааст. Ба гуфтаи яке аз онҳо, аз пушти зиндагии вазнин мардуме ба Душанбею Хуҷанд омадаанд, ки бо зиндагии шаҳрӣ тамоман ошно нестанд: “Ҳоло ба хотири рӯ овардани шумораи зиёди сокинони русто ба шаҳр, шаҳрҳо ба деҳот табдил ёфтаанд.”
“Мо тӯли даҳ сол талош кардем, яке аз ҳамсояҳои худро бо зиндагии шаҳрӣ ошно созем, вале нашуд. Ин оила дар табақаи 4-уми бино ба сар мебараду бебокона аз табақи 4-уми партовро ба замин мепартоянд. Ҳоло мо маҷбур шудем аз пушти онҳо ба хонаи яке аз хешонамон омада, зиндагӣ кунем, ки онҷо ҳанӯз “шаҳриҳои навин” наомадаанд”,-навиштааст дигаре.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |