Русский  >>  فارسی  >>  Шанбе 3 декабр 2016, 16:33

Тоҷикистон ҷаримаи мошинҳои гаронвазнро 3 баробар зиёд кард

29 июл 2013, 15:38

Вазорати нақлиёти Тоҷикистон барои ҷилавгирӣ аз ҳаракати ғайримеъёрии мошинҳои гаронвазн ҳаҷми ҷаримаро се маротиба зиёд кардааст.

Худоёр Худоёров, муовини вазири нақлиёт мегӯяд, ронандагони мошинҳои боркаше, ки аз миқдори муқаррарӣ, яъне 40 тонна зиёдтар бор дошта бошанд, барои ҳар тонна сари ҳар киллометр 0,3 долларӣ ё худ 30 сент ҷарима хоҳанд пардохт.

Худоёр Худоёров мақсад аз се маротиба зиёд шудани ҳаҷми ҷаримаҳоро танзими ҳаракати мошинҳои гаронвазн гуфт. Ӯ афзуд, ки барои танзими ҳаракати мошинҳои гаронвазн дар даромадгоҳҳои сарҳадии Тоҷикистон ва дар даромадгоҳҳои Душанбе тарозуҳо насб шудаанд. Ба гуфтаи муовини вазир пас аз васл кардани тарозуҳои махсус ҳаракати ғайримеъёрии мошинҳои гаронвазн камтар шудааст.

Худоёров илова намуд, ки аз сабаби аз 40 градус боло рафтани ҳарорати ҳаво ҳаракати мошинҳои боркаш дар роҳу шоҳроҳҳои Тоҷикистон аз соати 8 то 22 шаб манъ карда шуданд: “Аввалан баланд будани ҳарорати ҳаво ба худи ронанда зарар дорад. Ҳангоми рондани мошин гаранг шуда, ба ягон хатоӣ роҳ медиҳад. Дуюм оби мошин ба ҷуш омада, муҳаррикро вайрон месозад. Сеюм дар ҳавои гарм роҳҳо, ки бо пули қарз ва грантҳо сохта шудаанд, хароб мегарданд.”

Ин дар ҳолест, ки идораи обуҳавошиносии Тоҷикистон мегӯяд, дар охирҳои моҳи равон дар кишвар гармии бесобиқаи африқоӣ ҳукмфармо хоҳад буд ва ба ниҳодҳои давлатӣ ҳушдор додаст, ки ба пайомадҳои он омода бошанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
))))))))))))))))сабаби зиед кардани чаримаи мошинхои гарон ваз ддар чиааст)))))
Посух додан
  • дарвеш

  • 29 июл 2013 23:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хамаи пулхои сохташуда дар шохрохи Душанбе Чиргатол кувваи 30 тона боро бардоштан доранд инхо 40 тонаро чарима мекунанд. Пеш аз рохро сохтан баназар намегиред 60-70 тона борро

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!