Русский  >>  فارسی  >>  Шанбе 10 декабр 2016, 04:08

Директори «Тоҷик Эйр»: «Ба Хоруғ пиёда рафтан гиред»

21 июл 2011, 10:19

«Тоҷик Эйр» хатсайри Душанбе-Хоруғро хатсайри зараровар унвон кард.


Бино ба қавли масъулини ин ширкат, ҳар моҳ аз ҳисоби ин хатсайр дар ҳаҷми то 100 ҳазор доллар ба буҷаи корхона хисороти молӣ ворид мегардад. Имрӯз зимнан иттилоъ дода шуд, ки фаъолияти ин хатсайр шурӯъ аз 15-уми июли соли равон қатъ гардидааст.
Музаффар Исоқов, директори   генералии ширкат  иллати қатъ гардидани хатсайри Душанбе-Хоруғро ба ғунҷоиши ками тайёраҳои ин хатсайр, гаронии нархи сӯзишворӣ, афзоиши   ҳаққи хизматрасонӣ дар фурудгоҳҳо ва дигар масоил унвон кард: «Ғунҷоиши тайёраҳои хатсайри Душанбе-Хоруғ 16 нафар аст, лекин ин тайёраҳо дар хатсайри Душанбе-Хоруғ 16 нафарро бардошта наметавонанд, барои ҳамин мо 14 нафар мегирифтем. Проблемаи дигар сӯзишворӣ аст. Сӯзишвориро мо барои ду тараф мегирем. Яъне дар фурудгоҳи Хоруғ сӯзишворӣ нест. Ҳолате мешавад аз ин тараф одам аст, аз тарафи Хоруғ бошад кам аст. Баъзан вақт мешавад, ки дар як моҳ ширкат аз ҳисоби хатсайри Душанбе-Хоруғ 100 ҳазор доллар зарар мебинад, ки мо инро бардошта наметавонем. Бубинед, давоми ду ҳафтаи ахир дар  пешгоҳи дафтари кории мо  ҳаррӯз митинг, занозанӣ, ҷанҷол, суханҳои бемаънӣ, умуман рафторҳои аз доираи одоб берун мекарданд. Дафъаи ахир, қариб ба даруни бино зада медаромаданд, ман баромада гуфтам: «Бародарҳо тамом, дигар хатсайри Душанбе-Хоруғ парвоз намекунад, дигар метавонед, пиёда рафтан гиред».  
Музаффар Исоқов ҳамзамон афзуд, агар нархи хизматрасонии хатсайрҳои дохилиро дар фурудгоҳҳо ва қимати сӯзишвориро арзон кунанд, мо омода ҳастем на танҳо ба Хоруғ, балки ба тамоми шаҳрҳои калони ҷумҳурӣ парвозро оғоз намоем. Ӯ мегӯяд барои ҳалли ин масъала ба ҳукумати Тоҷикистон ва вазорати нақлиёти кишвар муроҷиат кардааст, то дар якҷояги чорае андешанд, вале ҳанӯз ин проблема ҳаллӣ худро наёфтааст.{jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!