Русский  >>  فارسی  >>  Душанбе 5 декабр 2016, 05:24

Мухтор Аблязов, мухолифи аршади Назарбоев, боздошт шуд

1 август 2013, 09:26

Мухтор Аблязов, бонкдор ва мухолифи аршади Нурсултон Назарбоев, раисиҷумҳури Қазоқистон дар Фаронса боздошт шуд.

“Financial Times” аз қавли вакили мудофеи Аблязов, ки аз бурдани номаш худдорӣ кардааст, навишта, ки мухолифи қазоқ рӯзи 31-уми июл дар ҷануби Фаронса аз тарафи мақомоти пулиси ин кишвар боздошт гардид.

Ба гуфтаи вакили мудофеаш, барои истирдоди Аблязов бештар мақомти рус талош доранд, ки ӯ дар он кишвар ба сурати ғиёбӣ маҳкум ба тақаллубкорӣ ва ғайриқонунӣ баровардани маблағҳои БТА банк ба хориҷ аз кишвараш мебошад.

Ин дар ҳолест, ки мақомоти пулиси Фаронса ба хабарнигорон гуфтаанд, Аблязов бо дархости Украина боздошт шудааст.

Авохири моҳи майи соли ҷорӣ, Алма Шалабаева, завҷаи раҳбари собиқи БТА-Бонк ва духтари шашсолааш дар пайи рейди шабонаи пулис дар атрофи Рим, аз дохили виллаи ӯ боздошт шуданд. Баъдан, онҳоро дар тайёраи шахсӣ нишонда, бо роҳбаладии дипломатҳои қазоқ ба Қазоқистон мунтақил карданд. Сафири Қазоқистон ба Вазорати умури хориҷии Италия даъват шуд ва аз ӯ шарҳи ин масъаларо талаб карданд.

Мухтор Аблязов дар Қазоқистон ба тақаллубкории иқтисодӣ ба ҳаҷми 5 миллиард доллар муттаҳам дониста мешавад. Додгоҳи олии Лондон феврали соли 2012 Аблязовро ҳукм ба 22 моҳи ҳабси пешакӣ карда, ҳанӯз ҳукми ниҳоии ӯ хонда нашудааст. Ин дар ҳолест, ки худи мухолифи қазоқ иттиҳомот алайҳи худро рад намуда, онҳоро ангезаҳои сиёсӣ медонад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!