Русский  >>  فارسی  >>  Ҷумъа 9 декабр 2016, 05:01

Русия боҷи содиротиашро барои маводи сӯхт боло бурд

2 август 2013, 08:45

Русия аз 1-уми августи соли равон боҷи содиротии маҳсулоти нафтияшро наздики 3 дарсад боло бурд.

Тибқи қарори ҳукумати Русия, боҷи содиротии бензин аз ин кишвар, сар аз 1-уми август наздики 3 дарсад боло рафта, 342 доллар сари ҳар тонна ташкил медиҳад. Ба иттилои расонаҳои расмии Русия боҷи содиротии маҳсулоти нафтии дигар, аз ҷумла сӯзишвории дизелӣ низ боло рафта, ба 251 доллари амрикоӣ баробар шуд.

Ин дар ҳолест, ки дар моҳи июл содиркунандагони маводи сухти русӣ, аз ҷумла ба Тоҷикистон барои як тонна бензин 332 доллар ва маҳсулоти дигари нафтӣ 243 доллар пардохт мекарданд.

Мақомоти Русия боҷи содиротиро барои Тоҷикистон моҳи майи соли 2010-ум ба далели узви Иттиҳоди гумрукӣ набудан ҷорӣ карда, ҳаҷми онро ҳар моҳ вобаста ба нархи нафт дар ҷаҳон пасту баланд мекунанд.

Масъалаи лағви боҷи содиротӣ барои Тоҷикистон соли сеюм аст, ки мавриди баррасӣ қарор дорад ва Эмомалӣ Раҳмон, президенти Тоҷикистон низ, дирӯз, 1-уми август, лағви боҷро яке аз мавзӯҳои марказияш дар мулоқот бо Владимир Путин, раисиҷумҳури Русия гуфт. Аммо дар гузоришҳои худ оиди натиҷаҳои мулоқот раисони ҷумҳур аз замони лағви боҷи гумрукӣ хабар надоданд. Дар ҳоле, ки дар мавриди созишномаи тамдиди пойгоҳи 201, муҳоҷират ва дигар масоил натиҷаҳои мушаххасро эълон карданд.

Ҳамин тариқ боҷи содиротии маҳсулоти нафтии Русия бо вуҷуди он, ки моҳи октябри соли гузашта ва аввали соли равон дар бораи лағви он ёддошту созишномаҳо имзо шудаанд, ҳоло ҳам барои Тоҷикистон лағвношуда боқӣ мондааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
аму нарафтагит хуб буд хаёлам арзон мешава ба шаст рафти.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!