Русский  >>  فارسی  >>  Панҷшанбе 8 декабр 2016, 05:12

Пешниҳод: Таппаку шири гов ҳам Ид дошта бошанд

2 август 2013, 09:20

Абдулазизи ВОСЕЪ

Тоҷикистон ватани идҳост. Ҷиддӣ мегӯям. Дар ватани мо ид ҳамеша болои ид аст. Худо хоста бошад, ба наздикӣ шумораи онҳо боз якто зиёд мешавад: Иди картошка.

Яке аз муовинони раиси вилояти Суғд гуфтааст, онҳо дар фикри ташкили Иди картошка мешаванд. Ба қавли Аҳмадҷон Қобилов, чунин пешниҳод ба онҳо ироа шудааст ва онро баррасӣ намудаву сипас хулосаи худро хоҳанд гуфт: “Бо супориши ҳукумат охири моҳи оянда иди харбуза, асал ва кадуро мегузаронем, лекин иди картошкаро ягон бор нагузаронидаем. Як маслиҳат мекунем, кори мешудагӣ аст”. Ӯ ҳатто вақти ҷашнгирии иди картошкаро низ тахминан баён кард: “Ташкил кардан мумкин аст. Дар пеш Ҷашни сада аст. Дар ҳамон вақт картошка қариб, ки мепазад. Омӯхта бароем, шароит шавад, мегузаронем”.

Иди харбузаву асалу каду ва картошка ҳам хубанд, аммо ба назари ин ҷониб ба идҳои дигаре ҳам аз қабили Иди таппак, Иди бодиринг, Иди себи хубонӣ, Иди олуча, Иди шири гови зотӣ, Иди қаламфур, Иди гандум ва ғайраҳо низ сахт ниёз дорем. Бо чанд далел зарурати таъсиси чанде аз ин идҳоро баён мекунем ва умедворем, пешниҳоди мо мадди назари масъулин қарор хоҳад гирифт.

Таппак: Он месӯзад, мо гарм мешавем

Таппак барои бештар аз ними аҳолии кишвар, ки дар кӯҳистон зиндагӣ мекунанд, дар чор фасли сол манбаи гармӣ ва пухту паз аст. Махсусан ҳамасола дар ним соли бебарқӣ он мисли оксиген ба мардум зарур меояд.

Бо таваҷҷуҳ ба ин ва қавоиди ҳамаи идҳо барои Иди таппак ҳам таъсис додани намоишгоҳ ё «виставка»-и боҳашамате дар маркази пойтахт айни муддаост. Аз ин пештар бояд дар марказҳои шаҳру навоҳӣ чунин намоишгоҳҳо гузаронда шуда, гулчини таппакҳо интихобу ба марказ оварда шаванд. Мошин-мошин, трактор-трактор таппакҳои навъи аълоро аз тамоми гӯшаву канори кишвари азиз дар ин намоишгоҳ ба маъраз бояд гузошт. Таппаккунҳои беҳтарин ба мардум муаррифӣ шуда, аз сирри таппак ба ҳозирин маълумот диҳанд (зимнан дар боғҳои фароғатӣ гузарондани мусобиқаҳои таппаксозӣ низ ба манфиат хоҳад буд).

Чанд намуна аз таппакҳои беҳтарин ба Осорхонаи миллии Тоҷикистон ҳадя карда шавад. Аз ин Ид бояд хеле бошукуҳ ҷашн гирифт: бо шиору овезаҳо. Ба хотири муассиртар шудани ид пешниҳод мекунем, намоишгоҳ зери номи «Таппак: Ӯ месузад, мо гарм мешавем» гузаронда шавад. Зимнан, мутахассисон муваззаф шаванд, барои афзоиши таппак роҳҳои зиёд кардани ахлоти говро биҷӯянд.

Бодиринг беҳтарин сарфакунандаи пул

Бодиринг сабзавоти хуб аст. Хушхӯр. Бо он дилхоҳ хӯрок бомазза мегузарад. Аз нигоҳи иқтисодӣ ҳам он ба оилаҳо манфиатовар мебошад. Онро метавон ба унвони ҳосили дуюм дар киштзорҳо парварид. Вақте истеҳсоли он зиёд шуд, табиист нархаш ҳам арзон мешавад. Табибон мегӯянд, он ба саломатӣ фоидаовар аст. Бодиринг пули шуморо сарфа мекунад. Бодирингро агар ҳар қадар зиёд ҳам истеъмол кунед ба дилатон намезанад, махсусан агар бо намак бихӯред. Аз ин рӯ имкон доред, ки равғану картошкаву нахуд, макарону ба монанди инҳоро нахарида, танҳо бодиринг истеъмол намоед. Тасаввур мекунед, дар як моҳи бодирингхӯриятон чӣ қадар маблағ сарф мешавад?

Рӯзи таҷлил аз Иди бодирингро метавон аз миёнаҳои моҳи июну июл ҷустуҷӯ кард. Маҳз ҳамин ду моҳи тобистон бозори бодиринг гарм мешавад.

“Молоко, шир-да биё”-бренди сол

Шояд мепурсед, ки Иди шири гов ба чӣ меояд?

Ин қадар содда нашавед. Ҳамаи мову шумо маҳз бо шири гов бузург шудаем. Бетафовутӣ нисбат ба он баробар ба ношукрӣ аз замони истиқлол аст. Таъсири ҳамин каллорияҳои шири гов аст, ки имрӯз дар сармои зимистону гармои тобистон тоқат мекунем. Гузашта аз ин мегӯянд, маззаи шири гови тоҷикӣ дар ҳеч гӯшаи дунё нест. Як дӯстам, ки масъулияти подабонии як фермаро дар кадом як рустои Русия дорад, ҳамеша шикоят мекунад, ки “шири говҳои инҳо маззае надорад. Садқаи шири гови худамон шавам”.

Шир нишони покӣ ва сафедӣ аст. Чизест, ки як фарёди «молоко шир-да биё» садҳо нафарро аз хоб бедор мекунад. Воқеан, пешниҳоди камина ин аст, ки ҳамин ҷумлаи “молоко шир-да биё”, ки солҳост нақши ҷеғи хуруси саҳарӣ дар шаҳрҳоро мебозад, “бренд”-и Иди шири гов эълон шавад. Дар доираи ҳафтаи “Иди шири гов” дар саросари кишвар маъракаҳои эҳтироми шири гов гузаронда шавад. Мисли солҳои Шӯравӣ ҳармоҳа говдушҳои беҳтарин муайян шаванд.

Ширчойпазҳои беҳтаринро аз гушаву канори ҷумҳурӣ кашф намуда, ба онҳо мукофотҳои сатҳи давлатӣ бояд дод. ТВ-ҳо вазифадор шаванд, ки аз хусусиятҳои шири гов пайваста барнома таҳия созанд. Таъини рӯзи эълони Иди шири гов беҳтар аст, бар дӯши мутахассисин вогузор шавад.

Ба ҳамин монанд, бояд мутахассисони соҳаҳои мухталиф дар мавриди хусусиятҳои беҳтарини қаламфуру гандум, олучаву қулфинай, тарбуз ва ғайраҳо маълумотҳо гирд оварда ва ба зарурати таъсиси идҳояшон таъкид намоянд.

Ин ҳама Идҳо чанд хубӣ доранд. Аввалан, вақте идҳо зиёд шуданд метавон фикри мардум ҳамеша ба чизе машғул дошт. Дигар, онҳо фурсати андешидан сари вазъи зиндагии худ ва фазои сиёсиро пайдо намекунанд. Саввум, мардуми соҳибҷоизаву соҳибмедал зиёд мегардад. Чаҳорум, мағзҳо дар гардиш медароянду рӯз аз рӯз ҷашнҳои нав ба нав пешниҳоду таҷлил мешаванд. Ва ниҳоят ТВ-ҳои кишварро ғами эфирпуркунӣ азият намедиҳад. Пас, зинда бод Идҳо!



Шарҳи худро бинависед:

Ном:*
E-Mail:
Матни шарҳ:
Посух додан
  • Одил

  • 2 август 2013 09:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Садкаи номи журналисти шави. Дигар масала ёфт нашуд ё фахмишат хамин кадар аст. Барои акл корда дарояд китоб хондан даркор.
Посух додан
  • lakayali

  • 2 август 2013 09:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
idi kurbokka,ablahho wa besawodho chi?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мо аз як чиз аз хама зиёд танкиси мекашем: аз норасоии он чизе, ки ба руси "чувство юмора" мегуянд )))
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Оил ба фикрам худат нодону нобинову бе мафкураи барои он ки чумлахои хабарнигор сар то по закикатанд дап точикистон ба гайр ид дигар хеч пешравие нест ин шармандагист вакте приздент элон мекунад иди каду е картошка чашн гирифта шавад дар кучахо хама аз каду сухан биронанд хама шукронаи каду бикунанд ба худ як шиоре бикунанд плакатхо бо расми овехта шавад е дигар махсулот хато шоиру нависандагону тв хоро мачбур мекунанд аз каду е картошка е дигар махсулот нависанду гап зананд бале ба бисерихо намефорад
Посух додан
  • Картошкачон

  • 2 август 2013 10:26
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
оо чи бади дорад...нони дуюм барои хар як оилаи кишвар хисоб меравад...
Посух додан
  • Parviz

  • 2 август 2013 10:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Одил аз руи Адолат ба хамин журналист якта мавзу пешниход кунед! Кане мархамат! "шукронаи Хамаш" гуед)))
Посух додан
  • Ман

  • 2 август 2013 10:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Э ха боз якто иди зур хаст хаминро хам чашн гиранд илтимос! "иди буз ва шири буз"
Посух додан
  • Абдуллоҳ

  • 2 август 2013 10:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Пешниҳоди беҳтарин, ман ҳатман онро дастгирӣ мекунам.
Посух додан
  • Мухлис

  • 2 август 2013 11:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Беҳтарин мақола.Дар ҳақиқат кори ТВ-ҳо сабук мешаванд.
Посух додан
  • 777

  • 2 август 2013 12:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
таклифи ман дар бори кайди иди Сандали чаро чоп нашуд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Иди мухочирони кори, иди бевазанхо, иди мансабдорон, иди каасру кушкхо, иди махбусони сиёси, иди тухмату тахкир, иди галупарасти, иди махсулоти чини, иди роххои пулаки, иди домодхои чини, иди заминфуруши ва иди Чаноби Оли (5-уми октябр)
Посух додан
  • Журналист

  • 2 август 2013 12:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рафик хамкори азиз ба шумо шармам меояд. Шумо аз хамин нодониатон ба хамин мавзуъхо задаед. Кадру кимати худатонро худатон намедонед аз дигарон чи гила мекунед. Хайфи номи журналисти бар шумо, каллатонро кор фармоед нони халол хуред. Як мавзуъи чолиби диккатро дастрас кунед, ки ба манфиати чомеъа бошад ва хонанда аз он халоват барад.
Посух додан
  • Журналист Хучанд

  • 2 август 2013 13:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
набошад шумо "журналист" бо хамин гуна маводхои хонданбобатон мардума кайф дода гардед. Аз дастовардхо бештар гуед, ки кайфамон зиёдтар шавад. Охир шумо барин "каламкашон" ба чуз пешравихои сохта дигар чизеро намебинед. Боз шарм надошта ман журналист гуфта фикрои шахшудаатонро ба сари мардум бор мекунад. Ин мавод 100 фоиз ба жанри танз чавобгу аст! Шумо аз ин жанр бехабар бошед айби Абдулазизи Восеъ магар аст? Шумо журналистони шахшуда ба навиштани маводхои якранг одат кардаед ва чахонбинии танг дар касби худ доред!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин гуфтахо тамоман ачиб набуданд, баъд "тапак нею саргин мегуянд" хай хамин одам, ки мавзуъи чолиб наёфт барои аз маъош махрум нашудан харчи харчи навиштан мегирад. Шумо мегену хечкас эътибор намедихад, ки чи максад дорен...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
АГАР ИДИ КАРТОШКАРО КАБУЛ КУНАНД ХАТМАН ИДИ ТАВЛАКУ ДОИРАРО ХАМ БОЯД КАБУЛ КУНАНД масалан: ИДИ ТАВЛАКЗАНОНИ ЧУМХУРИ ХАЙР ХАМА ТАВЛАКЗАНОН ЧАЪМ ШУДА ДАВЛАТРО БО ТАВЛАКЗАНИ ПЕШ БУРДА ИСТОДААНД.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!