Русский  >>  فارسی  >>  Ҷумъа 9 декабр 2016, 16:29

Ҳушдори "Росселхознадзор" дар бораи меваҳои хушки Тоҷикистон

2 август 2013, 12:06

“Росселхознадзор” мегӯяд, ба мақомоти се кишвар, Тоҷикистон, Озарбойҷон ва Узбакистон ҳушдор додаанд, ки назорати сифати меваи хушку сабзавоти содиротиро пурзӯр кунанд, вагарна воридот аз ин кишварҳо мамнуъ хоҳад шуд.

Алексей Алексеенко, сухангӯи “Росселхознадзор”, дар суҳбат бо расонаҳои русӣ гуфтааст, ки ҳоло дар бораи манъи пурраи воридоти меваи хушк сухан нарафта истодааст: “Аммо ин огоҳкуниҳои мо ҷиддиянд ва агар мақомоти кишварҳои ҳамкор онҳоро ба назар нагиранд, мо метавонем, воридоти меваи хушкро аз ин кишварҳо пурра манъ кунем. Мо намехоҳем, ки ба Русия маҳсулоти дорои моддаҳои зеркарантинӣ, ҳар гуна ахлот ворид шаваду сокинон ва хоҷагии кишварро заҳролуд кунад.”

Ба гуфтаи Алексеенко айни ҳол дар маҳсулоте, ки аз Тоҷикистон, Узбакистон ва Озарбойҷон ворид мегарданд, камбудиҳои зиёде ошкор мешаванд.

Ин дар ҳолест, ки Русия бори аввал воридоти меваю сабзавотро аз Тоҷикистон моҳи майи соли 2010 мамнӯъ эълон карда, моҳи июли он сол бекор карда буд. Маротибаи дуюм манъи воридоти меваю сабзавоти Тоҷикистонро моҳи ноябри соли 2011 мавриди баррасӣ қарор гирифта буд, ки ба гуфтаи коршиносон заминаи сиёсӣ дошта, барои фишор дар ҳалли қазияи халабонҳо истифода мешуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Cobil

  • 2 август 2013 12:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Онишенко аз истикболи хуши Путин аз Эмомали Рахмонов хушдор дод гуед

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!