Русский  >>  فارسی  >>  Чоршанбе 7 декабр 2016, 00:56

Ирсоли гуруҳи махсуси зидди мухаддирот ба Бадахшон

3 август 2013, 08:38

Гурӯҳи махсуси Агентии назорати маводи нашъаовари Тоҷикистон, ки 2-юми август ба Бадахшон раҳсипор шуд, сар аз имрӯз, 3-юми август фаъолияти фаҳмондадиҳию профилактикии зидди мухаддиротро дар навоҳии наздимарзии вилоят оғоз намуд.

Тавре аз Агентӣ хабар доданд, дар доираи сафари мазкур ташкил ва гузаронидани корҳои профилактикӣ, фарҳангӣ, фароғатӣ ва фаҳмондадиҳӣ дар байни истиқоматкунандагони ноҳияҳои наздисарҳадии Тоҷикистону Афғонистон дар назар буда, мақсад аз он ҷалби диққати сокинон ба пешгирии нашъамандӣ, мубориза бо ҷиноякорони мухаддиротӣ ва ташаккули тарзи ҳаёти солим мебошад.

Ба иттилои ин ниҳод бригадаи таблиғотӣ, ки ба ҳайати он мутахассисони Агентӣ, табибон-наркологҳо, намояндагони вазорату идораҳои дахлдор, ҳунармандон ва хабарнигорон шомил мебошанд, аз 3 то 7 августи соли ҷорӣ дар бозорҳои наздисарҳадии «Ишкошим», «Тем»-и шаҳри Хоруғ ва «Рузвай»-и ноҳияи Дарвоз бо лексия, сӯҳбатҳо ва саҳначаҳои профилактикӣ баромад хоҳанд кард.

Агентии назорати маводи нашъаовар мегӯяд, гузарондани чунин мулоқотҳо дар навоҳии наздисарҳадии дигари Тоҷикистон низ дар назар аст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!