Русский  >>  فارسی  >>  Сешанбе 6 декабр 2016, 10:44

Ташкили шуъбаи махсус алайҳи нашъаҷаллобони майдафурӯш

5 август 2013, 08:47

Рустам Назаров, роҳбари Агентии мубориза бо маводи мухаддири Тоҷикистон мегӯяд, барои дастгир кардани майдафурушони маводи мухаддир гуруҳи махсус ташкил кардаанд.

Генерал Назаров зимни як нишаст дар Душанбе гуфт, дар сохтори Раёсати фаврии агентӣ як шӯъбаи махсуси иборат аз 8 нафар ташкил гардид, ки давоми се моҳи фаъолияташ дар ҳудуди шаҳри Душанбе 17 нафарро барои майдафурӯшии маводи мухаддир боздошт кардааст. Назаров афзуд, фаъолияти мақомоти ҳифзи ҳуқуқ ва сохторҳои қудратии Тоҷикистон нисбат ба солҳои гузашта пурзӯртар шудааст. Танҳо давоми се моҳ зиёда аз 3 тонна маводи мухадир мусодира шудааст. Ӯ афзоиши мусодираи маводи мухаддирро дар он медонад, ки кишти нашъа дар ҷумҳурии исломии Афғонистон зиёд шудааст.

Раиси Агентии мубориза бо маводи мухаддири Тоҷикистон аз хабарнигорон ва намояндаи шаҳрвандӣ дархост кард, ки бо онҳо ҳамкорӣ кунанд: "Шумо ҳам аъзои ҳамин ҷамъият ҳастед, вақте як ҳамсоя ё дилхоҳ шахсеро медонед, ки бо ҳамин корҳо даст дорад, биёед ҳамкорӣ кунем. Дар бораи мусоидат ба мақомотҳои дахлдор қонун аст.”


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!