Русский  >>  فارسی  >>  Якшанбе 4 декабр 2016, 02:49

Вакил: “Тақдири номаи Зайдро Фирӯз Холмуродов медонад”

5 август 2013, 09:44

Исҳоқ Табаров, яке аз вакилони мудофеи Зайд Саидов, раҳбари боздоштшудаи гуруҳи ташаббускори таъсиси Ҳизби Тоҷикистони нав, мегӯяд, номаи нафари таҳти ҳимояташ ба унвонии президент дар дасти Фирӯз Холмуродов аст ва сарнавишташро ҳам ӯ медонад. Фирӯз Холмуродов раҳбари гурӯҳи тафтишотии парвандаҳои Зайд Саидов мебошад.

Исҳоқ Табаров ба “Озодагон” гуфт, номаи Зайд Саидов ба Эмомалӣ Раҳмон қабл аз он ки ба расонаҳо роҳ ёбад, ба дасти раҳбари гурӯҳи тафтишотӣ расидааст. Оқои Табаров мегӯяд, ин номаро худи Зайд Саидов ба Фирӯз Холмуродов супурдааст. “Вале такдири он нома чӣ шуд, мо намедонем”,-афзуд ӯ.

Қаблан Зайд Саидов, раҳбари боздоштшудаи гуруҳи ташаббускори таъсиси ҳизби "Тоҷикистони нав", бо ирсоли як нома аз Эмомалӣ Раҳмон -- раисиҷумҳури Тоҷикистон хоста буд, ба қазияи ӯ расидагӣ кунад. Вай дар номаи чаҳорсаҳифагии худ гуфтааст, вазъи саломатияш хуб нест ва мехоҳад озод шавад ва ё зери назорати тафтишот ба муолиҷаи худ машғул гардад.

Оқои Саидов дар ин номаи худ ҳадаф аз таъсиси Ҳизби Тоҷикистони навро ҳам баён дошта гуфтааст, қабл аз амалӣ намудани нияташ мақомоти Кумитаи амнияти миллиро огоҳ карда буд. Вай афзудааст, вақте дар Фаронса буду нофаҳмиҳо аз сӯи мақомот зиёд шуд, ният дошт ба ватан баргардаду фаъолияти таъсиси Тоҷикистони навро боздорад. Вале Музаффар Ашӯров, мудири Шуъбаи кафолатҳои конститутсионии ҳуқуқи шаҳрвандон дар Дастгоҳи иҷроияи президент, чанде пештар ба “Озодагон” гуфт, ки чунин як номаро аз Зайд Саидов дарёфт накардаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Номае ки дар интернет муддати тӯлонӣ чарх мезанаду хурду калон аз он хабардоранд, чи гуна мудири шӯъбаи кафолатҳои конститутсионии ҳуқуқи шаҳрвандони Дастгоҳи президенти Тоҷикистон М.Ашӯров аз он бехабар будааст? Ин афсонаест, барои хурдтаракон! Агар Ашӯров ба ростӣ дар ғами "ҳуқуқи шаҳрвандон" мебуд, ба зердастонаш фармон медодки, зуд он номаро аз зери замин ҳам бошад пайдо карда, рӯи мизаш гузоранд. Агар оҳи оқои Зайд Саидов барин як шахси шинохта ва мӯтабар, ба Дастгоҳи президенти кишвар нарасад, пас вой бар ҳоли ҳазорон одамони ҷабрдидаи қаторӣ, ки ба фарёди онҳо ин ҳуқуқдонҳо туф мекунанд. Вой бар мо! Вой бар Ватан!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!