Русский  >>  فارسی  >>  Панҷшанбе 8 декабр 2016, 01:17

Ифшои дасти Шералӣ Адҳамов дар куштори соҳибкори маъруфи қирғиз

5 август 2013, 13:15

Вазорати умури дохилии Тоҷикистон дар пайи гузаронидани чорабиниҳои фаврӣ ҷустуҷӯӣ муайян кардааст, ки дар гирудорҳо ва кушторҳои баъдиинқилобии соли 2005 дар Қирғизистон як шаҳрванди Тоҷикистон низ даст доштааст.

Тибқи иттилои ин вазорат рӯзи 2-юми август муайян гардид, ки Шералӣ Адҳамови 38-сола, сокини ноҳияи Панҷ, ки қаблан дар Тоҷикистон боздошт шудааст, дар куштори яке аз соҳибкорони маъруфи қирғиз Абдуалим Жунусов ва муҳофизаш дар соли 2005 даст дорад.

Вазорати умури дохилии Тоҷикистон мегӯяд, Шералӣ Адҳамов бо маслиҳати пешакии гурӯҳи шаҳрвандони Қирғизистон, Сапаралӣ Аканови 36 сола, Давронбек Қаюмови 27 сола ва шахси ба тафтишот номаълум бо номи Эркинҷон 5-уми сентябри соли 2005 ба манзили истиқоматии Абдуалим Жунусови 54-сола, сокини ноҳияи Карасуи вилояти Ош даромада, бо истифода аз яроқи оташфишон ӯро бо муҳофизаш Санҷарбек Абдиев парронда ба ҳалокат расонидааст.

Тибқи иттилои хабаргузориҳои қирғиз, Абдуалим Жунусов, собиқ директори калонтарин бозори Карасу ва яке аз тарафдорони ивазкунии молики ин бозор, аз калонтаринҳо дар водии Фарғон будааст. Дар мавҷи эътирозҳои соли 2005 бозор мазкур мавриди гирудорҳои гуруҳҳои манфиатдор гардидааст. Рӯзи 5-уми сентябри соли 2005 якумин мурофиаи додгоҳӣ баргузор мешуд, ки дар он бояд тақдири бозор ҳал мегардид, вале дар ин рӯз Жунусов бо муҳофизаш ба қатл расонда мешаванд.


Шарҳи худро бинависед:

Ном:*
E-Mail:
Матни шарҳ:
Посух додан
  • Ҷамол

  • 5 август 2013 16:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
дипломатҳо ва амниятиҳо ва кормандони милисаи дигар кишварҳо ҳамеша талош мекунанд ки шаҳрванди худро сафед кунанд то обруи давлат ва миллат ҳифз шавад аммо мақомоти ХОНАШЕРИ МАЙДОНҒАРИБ баръакс худиро муҷриб дониста бегуноҳонро озод мекунанд
агар ОЗОДАГОН дар ҳақиқат ҷурналист боше ҳами масара барраси кунед масалан ҷанги хитоиҳо ва тоҷико да ресторани ш Хуҷанд садамаи нақлиётии кормаеди сафорати Америка (2 бор) ина нав бо я хитои зад 2 каса кушт 2 каса захми кард ку ҳамирм ай пайш шаве

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!