Русский  >>  فارسی  >>  Ҷумъа 9 декабр 2016, 14:34

Зоиров: Бозпурсии ман супориши боло буд ва охирин нест

5 август 2013, 17:50

Раҳматулло Зоиров, раиси Ҳизби сотсиал-демократи Тоҷикистон, имрӯз, 5-уми август дар бинои Додситонии генералӣ ба 15 саволи мақомот дар мавриди изҳороти ахираш, аз ҷумла дар бораи ҳаводиси Хоруғ посух додааст.

Зоиров дар суҳбат бо хабаргузории “Озодагон” гуфт, ӯро дар додситонӣ се нафар, Маҳмудҷон Хайруллоев, масъули Кумитаи амният, Ҷамшед Сангов, сардори раёсати ҷиноятҳои махсусан муҳими додситонии генералӣ ва муовини Сангов мавриди бозпурсӣ қарор додаанд: “Асосан 15 савол буд ва ҳар кадомашон 3-4 –тои зерсуоли дигар доштанд. Дар маҷмуъ саволҳо тавре таҳия шуда буданд, ки мақомот интизор доштанд, ман дар посухи илмӣ, ҳуқуқӣ ва сиёсӣ ба онҳо оҷиз хоҳам монд ва дар ҳиҷолат эътироф мекунам, ки ҳаводиси Хоруғро нодуруст баҳогузорӣ намудаам. Аммо чунин нашуд”

Зоиров гуфт, мусоҳибонаш дар додситонии кул таҷрибаи кофӣ надоштанд ва аз бархе истилоҳоти ҳуқуқи байналмилалӣ бехабар буданд: “Ба онҳо аз нигоҳи сиёсӣ ва ҳуқуқӣ, махсусан ҳуқуқи байналмилалӣ шарҳ додам, ки изҳоротам асоснок буданд. Онҳо интизор буданд, ки ман дар посухҳои худ ғалат мекунам ва маро дар баҳогузории нодуруст ё худ сӯйистифода аз мансаб ва изҳороти беасос муттаҳам мекунанд.”

Зоиров таъкид намуд, ки дар Тоҷикистон тибқи қонунгузорӣ раиси ҳизби сиёсӣ ин мансабдор аст ва мақомот дар сурати мушоҳидаи камбудие дар изҳороташ имкон доштанд, ӯро дар сӯйистифода аз мансаб ва паҳни иттилои бардуруғ муттаҳам кунанд: “Аммо ман фаҳмондам, ки дар амалиёти низомӣ дар Хоруғ, меъёри конститутсия нақз шуда буд, ҳуқуқу амнияти сокинон таъмин нашуда буд. Амали қонун қатъ шуда буд, сокинон наметавонистанд, аз ҳуқуқу озодиҳои худ ҳимоят кунанд. Ба онҳо гуфтам, дар чунин шароит пеш аз ҳама бояд алайҳи ин амалиёт прокуратура мебаромад ва аз ҳукумат талаб мекард, ки ҳуқуқҳои шаҳрвандон риоя шавад. Ман ба ҷои прокуратура, Суди конститсионӣ ва дигар ҳомиёни демократия оиди ғайриқонунӣ будани ин амалиёт садо баланд кардам, дар ҳоле, ки худи онҳо низ бояд дар канор намеистоданд.”

Раҳматулло Зоиров афзуд, ба суолҳое, ки ӯ дар додситонӣ ҷавоб дод, маълум буд, ки аз ҷониби Кумитаи амнияти миллӣ таҳия шудаанд ва ин пурсупос бо супориши боло сурат гирифтааст. Зоиров илова намуд, ки “ба фикрам ин охирон суҳбати ман дар додситонӣ нест ва ҳатман мақомот дар оянда низ даъват хоҳанд кард.”

Ин пурсупоси Раҳматулло Зоиров дар ҳолест, ки ӯ қаблан, бо пахши як муроҷиатнома аз президент ва ҳукумати кишвар даъват намуд, ки бо дарки масъулияту мардонагӣ амалиёти низомии 24-уми июл дар Хоруғро “террори давлатӣ” эътироф кунанду фармондеҳони амалиёт муҷозот гарданд. Зоиров дар муроҷиатномааш ба президент, парлумон ва ҳукумати Тоҷикистон гуфт, замони баҳогузории воқеии ҳаводиси Хоруғ фаро расидааст: “Мутмаинам, ҳаводиси моҳи июли соли 2012 дар Хоруғро ба ҷузъ як амали тарҳрезишудаи террори давлатӣ, чизи дигар номидан мумкин нест."

Раиси ҲСДТ, ки ҳамзамон раҳбари Консорсиюми юридикии Тоҷикистон аст, таъкид мекунад, ки тайи солҳои охир ҳукумати Тоҷикистон бо баҳонаи мубориза бо терроризм, даст ба террори давлатии густурда болои аҳолии кишвар мезанад. Зоиров бо такя ба ҳуҷҷатҳои байналмилалӣ ташреҳ медиҳад, ки террори давлатӣ ин боздоштҳои ғайриқонунӣ, кушторҳо, гаравгонгириҳо, шиканҷа ва қатли шаҳрвандон бе тафтишоту додгоҳ аз ҷониби мақомоти қудратӣ мебошад. Бо зикри чанд асноди дигари байналмилалию илмӣ Зоиров амалиёти Хоруғро намунаи барҷастаи террори давлатӣ арзёбӣ мекунад.

Раҳбари Ҳизби сотсиал-демократи Тоҷикистон пешниҳод мекунад, ки 24-уми июл, рӯзи ёдбуди зарардидагон аз фишору зӯровариҳои ғайриқонунӣ эълон гардад. Зоиров аз парлумон хостааст, ки ба Кодекси ҷиноии Тоҷикистон тағйирот ворид шаванду амалиёти ғайриқонунии ҳукумат ва мансабдорон алайҳи аҳолии осоишта ба банди терроризм ворид гарданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Точик

  • 5 август 2013 16:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рахматулло Зохиров инсони аз чихати хукуки босавод аст. Эшон доктор дар улуми хукукшиноси доранд. Аз чихати хукуки, дар доираи конунхо наметавонанд бар зиддаш парвандаи чинои кушоянд. Аммо маъал асаф дар кишвари мо конун хукумрон нест балки афроди конуншикан хукумрони мекунанд. Аз ин ру хамакор имкон дорад. Мисли Зайд Саидов бо тухмат метавонанд Зировро низ зиндони кунанд. Агар афроди бономуси иллат, озодандешони миллат боки мондаги бошад бояд садо баланд кунанд, нагузоранд ки ин гурухи худ конунвайронкун шахсиятхои бономус ва миллатдустро ки ободии Ватанро ва сарбаландии Миллатро мехоханд, зиндони намоянд.
Посух додан
  • Фирдавс

  • 5 август 2013 17:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар точик-узбак Зохирови мегуфтагиат ягон майда ба манфиати халку чомеъа нест, ягон хизматаш ба халкам нарасидаас факат пули хочагонашонро хурда кунковаки карда гаштаст. Ман додситон бошам бо ин тухмату бо ин паст задани хукумату миллати точик аз хамон додситони чавобаш намедихам.
Посух додан
  • толиб

  • 5 август 2013 17:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Зикай бечора. Нигохуш мени рахмут мия.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
гапро хоида- хоида задан даркор, кам-кам назри худро санчида баъд сухан гуд
Посух додан
  • Сироч

  • 5 август 2013 18:23
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Зоиров дар хакикат шахси хакикатгуй ва нотарс мебошад.Чуни шахсон дар Точикистон бисёртар бошанд олам гулистон мешавад.Аммо афсус ,ки вируси шукрона ва лаганбардори аксарияти мардумро фаро гирифтаст ва миллат ба нобуди рафтаистодааст.
Посух додан
  • Точик

  • 5 август 2013 18:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эй акои Зоируф агар худата харчанд ба мардум ширин куни хам ба шумо эътимод нест шумо хизмататон ягон зарае хам мардумба расидагиш не худатона ба чох нандозед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ээээ додситоно эээ бигирен даф куне хамиа, ика кинай?! Медонам мерасад он руз, леки коре кне тезтар шавад хамон руз!!! Токи овозтиияшро дар СИЗО мона ба хайси "корол зона" . Ку бинем бо ки пуштибони узбакони Точикистон мешуда бошад:( ! Ин суханон шахсан ба зоиров "ТЫ КТО ТАКОЙ ДАВАЙ ДО СВИДАНИЯ"
Посух додан
  • hisor

  • 6 август 2013 00:36
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
charo dar amaliyothoi rashtu kulob ovoz nabarovardi zoiruf???in suxanoni tu bar zidi badaxshon ast na ba foidai xalk.
Посух додан
  • Точики хакики

  • 6 август 2013 07:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаноби Зоиров .. дуруст кайд кардаанд.........
Гап дар сари он нест ки ту точики ё узбак гап сари хакикат аст ва гуфтахои чаноби Зоиров сад дар сад хак аст ва мардум худашон хам инро медонанд..
Посух додан
  • Шохдавлат

  • 6 август 2013 10:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз мутассадиёни Сомона. 1000 бор хохиш. Аз хамин одам безор шудем. Илтимос рекламаи хамин одамро кам кунед. Нолавой варианти сиёсии Точикистон Зоиров мебошад. Намешавад хамин одам. Рузе мерасад, ки миллата бо нархи ночиз мефурушад, баъд дар назди таърих хамакаса чавоб мегуем. Ин одами бебунёд аст. Чашмхои шаголмонандашро бинед, назари хиёнат дорад. Нашавад замоне, ки бехтарин барраро ба гург дихед.
Посух додан
  • ОШНО

  • 7 август 2013 11:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Зиров ин шогирдчони Сафарали Кенчаев, бале хамоне ки замоне мехост барои расидан ба максад Точикистонро ба Узбакистон хадя кунад ва худаш раиси вилояти мухтори Точикистон шавад. Холо бошад аз пайи ин орзу урток Зоиров рафта истодааст. Бояд ба хар рох Хукумат ва Давлати Точикро бадном карда ин чумхуриро бархам дихад ва чояш вилояти мухтори Точикистон дар хайати Узбакистон ташкил намоянд. Он вакт Ислом ака Каримов ин касро раиси вилоят (област0 мемонанд. Зафар махалчиги накун чоп кун набоша ту хам аз хамин фронти
Посух додан
  • Рафиқ

  • 7 август 2013 13:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
бародар Ошно дуруст мегуяд, маҳз хизматҳои шодравон Сафаралӣ Кенҷаев буд, ки муҳтарам ЭР солиёни зиёд аст, ки Президент мебошад. Сангак Сафаров акаи Сафаралиро "Комиссар Катани ном гузошта буд. Агар хешовандон ва ҳаводорони Сафаралӣ нангу номус дошта бошанд, оиди террори номардонаи худобиомурз ба суди байналхалқӣ муроҷиат намоянд. Барои чи то ба имруз омилон ва супоришгарони террори Кенҷаев С. паси парда қарор дорад?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!