Боздошти ронандаи ректор барои 800 $ ва як мошин алаф
Агентии назорати давлатии молиявӣ ва мубориза бо коррупсия дар минтақаи Рашт ронандаи ректори Донишкадаи омӯзгории ин минтақа, Холов Боймаҳмадро бо ҷурми гирифтани пора боздошт намудааст.
Тавре Маҳмадраҷаб Ҳанифаев сухангуи Оҷонсиии мубориза бо фасоди Тоҷикистон дар суҳбат ба хабаргузории “Озодагон” гуфт, қаблан ба ин ниҳод шаҳрванд Назаров М. муроҷиат намуда, арз доштааст, ки “декани Донишкадаи омӯзгории Рашт, Маҳдӣ Умронов бо маслиҳати пешакӣ бо ронандаи ректори донишкадаи мазкур Боймаҳмад Холови 57 сола, сокини ноҳияи Рашт барои дохил намудани хешованди ӯ ба факултаи «Таърих ва ҳуқуқ» аз ӯ 900 доллари ИМА ва як мошин алафи хушк, ки арзишаш 900 сомониро ташкил медиҳад, ба сифати пора талаб намуда истодаааст.”
Манбаъ афзуд, дар натиҷаи гузаронидани чорабиниҳои оперативӣ-ҷустуҷӯӣ рӯзи 4 уми августи соли равон ронандаи ректори Донишкадаи омӯзгории Рашт ҳангоми гирифтани 800 доллари ИМА ва 480 сомонӣ дастгир гардид ва далелҳои шайъӣ дарёфт шуданд.
Оҷонсӣ мегӯяд, айни ҳол нисбати Холов Боймаҳмад парвандаи ҷиноятӣ оғоз шуда, тафтишоти пешакӣ идома дорад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |