Русский  >>  فارسی  >>  Панҷшанбе 8 декабр 2016, 08:57

Судяи парвандаи Тошев ва Ризоев иваз мешавад

6 август 2013, 10:53

Мурофиаи судии Садриддин Тошев ва Суннатулло Ризоев, ду маҳбуси зиндони Хуҷанд, ки дар паҳн намудани иттилои бардурӯғ оиди шиканҷа дар зиндонҳо муттаҳам мешаванд, ба вақти номаълум ба таъхир гузошта шуд.

Файзинисо Воҳидова, вакили мудофеи Садриддин Тошев дар шарҳи ин таъхиргузорӣ ба «Озодагон» гуфт, додрас Мусалмон Шарипов, раисикунандаи парвандаи маҳбусҳо барои кор ба дигар минтақа интиқол дода шудааст ва то таъин гардидани ҷойгузини ӯ баррасии парванда мавқуф мегардад: «Дирӯз бо фармони президент дар мақомоти судӣ ҷобаҷокунии кадрҳо сурат гирифт ва ҳамчунин судяҳое, ки зиёда аз панҷ сол дар як минтақа кор мекарданд, ба минтақаҳои дигар гузаронида шуданд. Мусалмон Шарипов низ ба дигар минтақа ба кор рафт.”

Ҳамсуҳбати мо илова намуд, ки «шояд рӯзҳои наздик раиси суди шаҳри Хуҷанд, парвандаро ба дигар судя супорад.»

Тошев ва Ризоев, ки тирамоҳи соли гузашта, дар пайи марги Ҳамза Икромзода дар зиндони рақами аввали Душанбе, ҳамроҳ бо маҳбусони дигар ба маҳбаси Хуҷанд интиқол ёфтанд ва айни ҳол барои пахши ахбори дурӯғин оиди шиканҷа дар зиндони Хуҷанд муттаҳам мешаванд. Садриддин Тошев мулаққаб ба "Қорӣ" дар даврони ҷанги дохилӣ яке аз фармондеҳони нерӯҳои мухолифин дар ҷабҳаи Обигарм маҳсуб мешуд.

Вай пас аз имзои қарордоди сулҳ як муддат ба зиндагии мулкӣ машғул буд, аммо дар соли 2001 бо ҷурми гаравгонгириву терроризм ва ҳамкорӣ бо гуруҳҳои Маҳмуд Худойбердиев ва Намоз Қурбоналиев - фармондеҳи дигари мухолифин - ба 25 соли зиндон маҳкум шуд.



Шарҳи худро бинависед:

Ном:*
E-Mail:
Матни шарҳ:
Посух додан
  • Окил

  • 6 август 2013 13:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
О барвактар намеген ки Тошев киай))) Маълум буд, ки ин махбусо у кадар самимй нестан. Террористи маккор дар хаму махбусам тинж намешина. Бтенш 25 соли дига бад мефахма!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!