Русский  >>  فارسی  >>  Якшанбе 11 декабр 2016, 11:00

Тоҷикони лагери Маскав мехоҳанд, зудтар ба Ватан баргарданд

6 август 2013, 13:44

Сафорати Тоҷикистон дар Маскав аз лагери муваққатӣ барои муҳоҷирон дидан карда, муайян намудааст, ки аз 300 бошандаи он, 10 нафар шаҳрвандони тоҷик мебошанд.

Муҳаммади Эгамзод, сухангӯи сафорати Тоҷикистон дар Маскав ба хабаргузории “Озодагон” гуфт 5-уми август, Абукарим Абдураҳимов ва Афзалӣ Саидҷаъфаров аз лагери муваққатӣ, ки барои нигоҳдории муҳоҷирони ғайриқонунӣ дар гузаргоҳи Иртиш-2, ноҳияи Голяновои, вилояти Маскав таъсис дода шудааст, дидан намуданд. Дар мавриди шароити лагер сафорати Тоҷикистон меафзояд, ки он ҷо теъдоди зиёди хаймаҳо барои хоби боздоштшудагон омода шуда, ин мавзеъ бо ҳоҷатхонаҳо ва кабинаҳои оббозӣ ҷиҳозонида шудааст.

Ба иттилои манбаъ айни ҳол аз Тоҷикистон дар ин лагер 10 нафар, аз ҷумла Нусратулло Ризвоншоеви 42 сола, сокини ноҳияи Ҷ.Руми, Акбар Валиеви 51 сола, сокини ноҳияи Муминобод, Абдулҳалим Ҳусайнови 38 сола, сокини шаҳри Кулоб, Мирсаид Ганжалови 23 сола, сокини ноҳияи Н.Хусрав, Абдураҳмон Назарови 21 сола, сокини ноҳияи Қумсангир, Фурқат Баҳромови 26 сола, сокини ноҳияи Ҳисор, Исмоил Нурбекови 20 сола, сокини ноҳияи Ҷиликўл, Бахталй Қувватови 22 сола, сокини ноҳияи Ёвон, А. Самадови 18 сола, сокини шаҳри Душанбе, Ҷаҳонгир Раҳимови 22 сола, сокини шаҳри Кӯлоб нигоҳдорӣ мешаванд.

Муҳоҷирони тоҷик ба масъулини сафорат аз камбудиҳо ва танқисиҳои худ дар ин лагер шикоят намуда, хоҳиш намудаанд, ки барои интиқоли зудтари онҳо ба Ватан мусоидат кунанд.

Намояндагии Тоҷикистон аз қавли мақомоти судии Маскав мегӯяд, нисбати шаҳрвандони Тоҷикистон бо ҷурми вайрон намудани қоидаҳои будубош дар қаламрави Россия айб эълон карда шуда, аксарияти онҳо ба маблағи муайяншудаи дар ҳаҷми то 2000 рубл ҷарима карда мешаванд. Сафорат мегӯяд, нисбати шаҳрванди боздоштшуда қарор судӣ бароварда шудааст ва бо интиҳои муддати муайяншуда, 10 рӯз, ки айбордшаванда метавонад барои аз нав баррасии парвандааш арз кунад, ҳукми таъингардида амалӣ мешавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!