Русский  >>  فارسی  >>  Ҷумъа 9 декабр 2016, 04:57

Дастури Убайдуллоев барои таъмини амният дар ҷашни Истиқлолият

7 август 2013, 12:02

Маҳмадсаид Убайдуллоев, раиси шаҳри Душанбе, дар як ҷаласаи махсус бахшида ба таҷлили 22-юмин солгарди истиқлолияти давлатӣ ба мақомоти пулис ва Кумитаи амният дастур додааст, ки тадобири амниятиро пурзӯр намоянд.

Тавре аз Хадамоти матбуотии шаҳрдорӣ иттилоъ доданд, Убайдуллоев ҳамчунин аз сокинони шаҳр хоҳиш кардааст, ки дар рӯзҳои таҷлили ҷашни истиқлолият талаботи қонун, тартиботи ҷамъиятӣ ва Маромномаи сокини пойтахтро қатъиян риоя кунанд.

Раиси Душанбе ба муовинони худ ва раисони ноҳияҳои пойтахт супориш додааст, тамоми шароитҳои заруриро барои ташкили чорабиниҳои идона, сайругашти оммавӣ ва фароғати сокинони пойтахт муҳайё созанду ороиши идонаи шаҳрро дар сатҳи баланд ба роҳ монанд.

Убайдуллоев роҳбарии бадеии намоиши театришуда бахшида ба 22-юмин солгарди Истиқлолияти давлатии Тоҷикистонро ба зиммаи режиссёр-таҳиягар, Раҷабов Убайдулло гузошта, ширкати беҳтарин санъаткорону мутахассисони касбӣ дар баргузории чорабинии идона дар Наврӯзгоҳи пойтахтро талаб кардааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!