Русский  >>  فارسی  >>  Якшанбе 11 декабр 2016, 14:58

Ифтитоҳи ҳашт парвандаи нав алайҳи собиқ домоди президент

7 август 2013, 13:01

Агентии мубориза бо ҷиноёти иқтисодӣ ва фасоди Қазоқистон алайҳи Мухтор Аблязов, раҳбари пешини бонки БТА ва домоди собиқи Нурсултон Назарбоев 8 парвандаи нави ҷиноӣ боз кардааст. Дар ин бора ВАО-и Қазоқистон бо такя ба иттилои Мурод Жуманбой, намояндаи расмии оҷонсии мазкур хабар додаанд.

"Гуруҳи тафтишотии Агентии мубориза бо ҷиноёти иқтисодӣ ва фасод аз рӯйи далелҳои дуздии маболиғи бонки БТА нисбат ба Аблязов ва дигар раҳбарони собиқи бонк боз ҳашт парвандаи дигар боз кардааст. Онҳо ба ширкатҳои офшорӣ қарзҳои бебозгашт ҷудо кардаанд, ки дар натиҷа ба бонк беш аз 317 миллион доллар зиён расидааст", -гуфтааст Жуманбой дар брифинги созмонёфтае 7-уми август.

Прокуратураи генералии Қазоқистон аз ин пеш аз Фаронса истирдоди Мухтор Аблязовро тақозо карда буд. Тибқи қонунгузории Фаронса Аблязов то анҷоми баррасиҳои марбут ба истирдодаш то 40 рӯз дар боздошт хоҳад монд. Аблязов, ки аз мухолифони сарсахти ҳукумати Қазоқистон аст ва паноҳандагии Бритониёро дорад, 31-уми июл дар ҷануби Фаронса, наздикиҳои шаҳри Канн боздошт шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!