Дахолати Вазорати хориҷӣ ба қазия тоҷикон дар лагер
Вазорати умури хориҷии Тоҷикистон мегӯяд, нисбати 10 шаҳрванди Тоҷикистон, ки дар лагери муваққатии ноҳияи Голяновои вилояти Маскав қарор доранду аз мақомоти тоҷик истирдоди ҳар чи зудтарашонро ба Ватан хоҳиш намудаанд, қарори ниҳоии суд 13-уми август содир мешавад. Интизор меравад, ки додгоҳ ин шаҳрвандонро ҷарима ва ё ба Тоҷикистон истирдод мекунад.
Вазорати корҳои хориҷии Тоҷикистон иттилоъ дод, ки вазъи ин гурӯҳ муҳоҷирони меҳнатии тоҷик, ки дар рафти рейдҳои Хадамоти федералии муҳоҷирати Русия дар шаҳри Москав ва вилояти Москва бо ҷурми вайрон намудани қоидаҳои буду бош боздошт шудаанд, зери назорати доимии сафорати ҷумҳурӣ дар ин кишвар қарор дорад. Кормандони сафорати Тоҷикистон дар Русия муваззаф карда шудаанд, ки ҷиҳати дар доираи қонунгузории кишвари иқомат ҳал шудани қазияи мазкур чораҳои зарурӣ андешанд.
Бино ба иттилои манбаъ, намояндагони сафорат зимни мулоқоташон бо масъулини бошишгоҳи муваққатӣ, аз онҳо бартараф кардани камбудиҳои ҷойдоштаро дархост намудаанд: «Зимни ин, сафорат ба шаҳрвандони мазкур лавозимоти заруриеро, ки аз ҷониби наздикони онҳо ҷамъоварӣ шуда буд, дастрас намуд».
Вазорати корҳои хориҷӣ меафзояд, ки масъулини сафорат ба мушаххас намудани миқдор ва вазъи шаҳрвандони ҷумҳурӣ, ки дар шаҳри Долгопруднии назди Маскав боздошт шудаанду инчунин дар боздоштгоҳҳои махсуси шаҳри Маскав нигоҳ дошта мешаванд, машғул ҳастанд.
5-уми август, сафорати Тоҷикистон дар Маскав зимни дидор аз лагери муваққатии муҳоҷирони ғайриқонунӣ дар гузаргоҳи Иртиш-2, ноҳияи Голяновои вилояти Маскав муайян намудаанд, ки аз 300 бошандаи он, 10 нафар шаҳрвандони тоҷик мебошанд. Аз ҷумла Нусратулло Ризвоншоеви 42 сола, сокини ноҳияи Ҷ.Руми, Акбар Валиеви 51 сола, сокини ноҳияи Муминобод, Абдулҳалим Ҳусайнови 38 сола, сокини шаҳри Кулоб, Мирсаид Ганжалови 23 сола, сокини ноҳияи Н.Хусрав, Абдураҳмон Назарови 21 сола, сокини ноҳияи Қумсангир, Фурқат Баҳромови 26 сола, сокини ноҳияи Ҳисор, Исмоил Нурбекови 20 сола, сокини ноҳияи Ҷиликўл, Бахталй Қувватови 22 сола, сокини ноҳияи Ёвон, А. Самадови 18 сола, сокини шаҳри Душанбе, Ҷаҳонгир Раҳимови 22 сола, сокини шаҳри Кӯлоб дар ин лагер нигоҳдорӣ мешаванд.
Ин шаҳрвандон аз мақомоти тоҷик дархост кардаанд, ки барои истирдоди ҳар чи зудтари онҳо ба Ватан мусоидат кунанд, чун шароиташон дар лагер бад аст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |