Русский  >>  فارسی  >>  Душанбе 5 декабр 2016, 03:16

Тошканд барои баҳси об ба Душанбе намеояд?

9 август 2013, 14:23

Султон Раҳимов, муовини аввали вазири меллиоратсия ва захираҳои оби Тоҷикистон, мегӯяд, гурӯҳе аз олимону мутахассисони Узбакистон ширкати худро дар нишасти байналмилалии об дар Душанбе, ки 20—21-уми август дар назар аст, изҳор намудаанд.

Номбурда, ки имрӯз, 9-уми август, дар брифинги Вазорати умури хориҷӣ сухан меронд, гуфт, бо вуҷуди он, ки олимони мутаххасисони узбак омодагияшонро барои ширкат иброз доштаанд, расман Узбакистон ҳузури ҳайаташро дар ҳамоиш дар Душанбе тасдиқ накардааст.

Хусрав Нозирӣ, масъули Вазорати корҳои хориҷӣ дар брифинги мазкур қайд намуд, ки барои Тоҷикистон, иштироки кишварҳои минтақа дар ин баҳси масоили об муҳим мебошад. Ба қавли Хусрав Нозирӣ, ҷониби Тоҷикистон ба тамоми давлатҳои дунё, аз ҷумла кишварҳои минтақа барои иштирок дар конфрнси об даъватномаи расмӣ ирсол намудааст: “Аммо то ҳол дар хусуси иштирок кардан ва ё накардани ҳайати расмии Узбакистон хабаре нест.»

Ин дар ҳолест, ки номбурда мегӯяд, кишварҳои дигари минтақа дар пайи даъвати расмии Тоҷикистон аллакай иштирокашонро тасдиқ кардаанд.

Дар брифинг гуфта шуд, ки то ҳол 60 кишвари ҷаҳон омодагии худро барои ширкат дар ҳамоиши об эълон намудаанд. Бино ба иттилои Вазорати корҳои хориҷа, конфронси байналмилалии об 20-21-уми августи соли равон дар шаҳри Душанбе баргузор хоҳад шуд ва интизор меравад, шумораи кишварҳои иштирокчӣ аз ҳади 60 ҳам гузарад. Ҳадафи Конфронси Душанбе мусоидат ба беҳбуди ҳамкорӣ дар соҳаи об, аз ҷумла ҳамкории фаромарзӣ, аз тариқи таблиғи таҷрибаҳои беҳтарин, иштироки ҳамаи тарафҳои манфиатдор, ташвиқ ба ҳамкорӣ дар соҳаи об дар тамоми сатҳҳо барои мусоидат ба ноил шудан ба ҳадафҳое, ки дар сатҳи байналмилалӣ дар соҳаи об ҳамоҳанг шудаанд, арзёбӣ мегардад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!