Русский  >>  فارسی  >>  Панҷшанбе 8 декабр 2016, 10:55

Номзади ягонаи ислоҳотхоҳон то охири август муайян мешавад

10 август 2013, 14:18

Иттиҳоди нерӯҳои ислоҳотхоҳ барои интихоботи демократӣ имрӯз, 10-уми август, зимни як ҳамоиш дар шаҳри Душанбе консепсияи ягонаи номзад ба интихоботи президентиро таҳия мекунад.

Ҳикматулло Сайфуллозода, узви Иттиҳоди мазкур дар сӯҳбат ба «Озодагон» гуфт, ки дар сурати қабули консепсия, эҳтимол меравад то охири август номзади ягона низ интихоб гардад: «Барои таҳияи консепсия андешаи аъзои иттиҳод ва коршиносон ба назар гирифта мешавад. Баъд номзади ягона барномаи пеш аз интихоботии худро бо дарназардошти нукоти аслии консепсия омода хоҳад кард.»

Дар аввоили моҳи июл намояндагони аҳзоби сиёсӣ, коршиносон, ҳуқуқдонҳо ва ҷомеаи шаҳрвандӣ барои пешниҳоди номзади ягона ва ширкат дар интихоботи президентӣ гурӯҳи корӣ ташкил карда буданд. Дар ҳамоиши қаблӣ Раҳматулло Зоиров, раҳбари Ҳизби сотсиал-демократи Тоҷикистон, пешниҳод кард, номзади ягона барои чаҳор сол ба мақоми президентӣ интихоб шуда, баъзе аз салоҳиятҳояш маҳдуд шавад.

Муҳиддин Кабирӣ, раҳбари Ҳизби Наҳзати Исломӣ, ки дар ин мавзӯъ изҳори назар мекард, гуфт, “президенти оянда бояд барои як давраи гузариш интихоб шавад, агарчи Қонуни асосӣ салоҳияти 7 сол медиҳад. Вале бояд он номзад тааҳҳуд бидиҳад ба нерӯҳои ислоҳотхоҳ ва ҷомеа, ки дар як муддати гузариш на бештар аз 3-4 сол барномаи муштараки моро амалӣ мекунад ва шароитро барои интихоботи демократии дигари президентӣ омода месозад ва муҳимтар аз ҳама президенте, ки дар ин давра интихоб мешавад, ҳаққи номзад будан пайдо нахоҳад кард.”

Интихоботи президентӣ дар Тоҷикистон, қарор аст, моҳи ноябри соли ҷорӣ баргузор шавад, то кунун танҳо Ҳизби ҳокими халқӣ-демокртаӣ эълон кардааст, ки бо номзади худ дар интихобот ширкат хоҳад кард. Инчунин, Раҳматилло Зоиров, раиси ҲСДТ, низ чанде пештар дар ҷавоб ба саволи корбарони шабакаи иҷтимоии “Одноклассники” эълон дошт, ки агар нерӯҳои демократӣ бихоҳанд, ба ҳайси номзади ягона иштирок мекунад. Аҳзоби дигар, аз ҷумла ҲНИТ низ изҳор дошт, ки дар интихобот ширкат мекунад.


Шарҳи худро бинависед:

Ном:*
E-Mail:
Матни шарҳ:
Посух додан
  • Собирчон

  • 10 август 2013 23:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин иттиход ва дигар ахзоби сиёсй сад кобанд хам номзади арзандатар аз Эмомалй Рахмон намеёбанд.Саргардонии бехуда!! Хубаш хамин номзади ХХДТ ро бипазиранд ва ягон ягон вазифа бигиранд. Рохи осони мансабгирй хамин аст. Маълум аст, ки хамаи мо хамон хизбу харакатхо низ барои вазифа талош доранд.Фикр мекунед ин сиёсатмадорони навбаромад гами халкро мехуранд ва ба ягон камбагал вазифа медиханд? Харгиз!!! Умуман тарафдор надоранду орзухои ширинеро дар дил мепарваранд...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Собирчон,
БАРОДАР РОСТ ГУФТЕД ЛЕКИН АГАР АЗ РУИ ИНСОФ ХАМИН ИНТИХОБОТ ГУЗАРАД ЧИХЕЛЕ, КИ ХУДАШОН МЕГУЯНД ШАФОФФ БОВАР КУНИ Ё НЕ ХАМИН ХИЗБИ ХХДТ ЯГОН ОВОЗ НАМЕГИРАД ТАМОМАН....

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!