Русский  >>  فارسی  >>  Душанбе 5 декабр 2016, 07:24

Вазири фарҳанг нашрияи ҲНИТ-ро дар қонуншиканӣ муттаҳам мекунад

13 август 2013, 10:52

Вазорати фарҳанги Тоҷикистон ҳафтаномаи “Наҷот”, нашрияи Ҳизби наҳзати исломиро дар пахши иттилои носанҷидаю туҳматомез дар мавриди ҳаводиси Хоруғ муттаҳам карда, бо ирсоли як огоҳинома ҳушдор додааст, ки агар такрор шавад, нисбати нашрия чораҳои иловагӣ андешида хоҳанд шуд.

Дар огоҳиномаи Вазорати фарҳанг, ки рӯзи 7-уми август, зери имзои вазир Мирзошоҳрух Асрорӣ ба Ҳикматулло Сайфуллозода, сармуҳаррири Наҷот ирсол шудааст, аз ҷумла гуфта мешавад: “Вазорати фарҳанг сармақолаи “Хоруғ”, ки дар ҳафтаномаи Наҷот 25-уми июли соли 2013 нашр шудааст, баррасӣ намуда, Шуморо расман барои қонунвайронкунӣ огоҳ мекунад.”

Вазорат дар хитоб ба Ҳикматулло Сайфуллозода мегӯяд, “Шумо ба ҳайси муаллиф ва сармуҳаррир бархилофи банди 2, моддаи 6 ва зербандҳои 2,8-и моддаи 29-и қонун “Дар бораи матбуоти даврӣ ва дигар васоити ахбори омма” амал карда, маълумоти носаҳеҳ, санҷиданашуда ва туҳматомезро ба табъ расондаед.”

Вазорати фарҳанг ҳушдор медиҳад, ки дар мавриди такрори чунин сӯиистифода аз озодии сухан нисбати нашрия чораҳои иловагиро меандешад.

Аммо дар идораи Наҷот бар инанд, ки дар мақолаи мавриди интиқоди Вазорати фарҳанг касбият риоя шудааст ва ба қонуншикание роҳ надодаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • duston

  • 13 август 2013 14:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
muhtaram hukmatdoron digar joi ogohi nest jazo tihed ki dubora misli solhoi 91 va 92 nashavad maksadi in hizbiho janjolu vaironkuni iltimos kgami milatro khured

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!