Русский  >>  فارسی  >>  Шанбе 3 декабр 2016, 20:33

Узбакистон марзи худ бо Қирғизистонро баст

13 август 2013, 11:19

Узбакистон тули се шабонарӯз мешавад, марзҳои худ бо Қирғизистонро маҳкам кардааст.

Расонаҳои қиргизӣ менависанд, ки шуруъ аз рӯзи 11-уми августи соли ҷорӣ Узбакистон гузаргоҳҳои марзии худ бо Қирғизистон, “Достлик” ва “Қадамҷой”-ро масдуд кардааст.

Саидҷон Эратов, сардори Раёсати фаврии Хадамоти марзбонии Қирғизистон мегӯяд, масдуд шудани гузаргоҳҳои марзӣ миёни Тошканду Бишкек марбут ба ҷашни рӯзи истиқлолияти Узбакистон мебошад, ки ҳамасола рӯзи 1-уми сентябр таҷлил мешавад. Ба гуфтаи ӯ, ин раванд тули се ҳафта идома хоҳад ёфт.

Ин дар ҳолест, ки Токон Мамедов, муовини нахуствазири Қирғизистон оид ба умури амниятӣ ин қазияро дигар хел шарҳ дода гуфтааст, ҷониби Узбакистон марзҳои худро ба хотири ҳодисаи ахири марзӣ, ки миёни марзбонони узбаку қирғиз ба миён омада буд, бастааст.

Маврид ба зикр аст, ки рӯзи 23-уми июл миёни марзбонони узбак ва қирғиз задухурди мусаллаҳона ба миён омада, дар натиҷа як сарбози узбак ҳалок як тани дигар захмӣ шуда буд. Баъдан расонаҳо аз он хабар доданд, ки сарбози маҷруҳи узбак низ дар беморхона ба ҳалокат расидааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!