Русский  >>  فارسی  >>  Шанбе 10 декабр 2016, 17:44

Мақомоти Маскав пешниҳоди таъсиси майдонҳои намозгузориро қабул накардааст

13 август 2013, 18:57

Мақомоти шаҳри Маскав ба таъсиси майдонҳо барои намозгузории мусалмонҳо дар боғҳо иҷозат надодааст. Дар ин бора хабаргузории РИА Новости иттилоъ медиҳад.

Манбаъ аз қавли Сергей Капков, раҳбари дастгоҳи фарҳангии шаҳр навиштааст, ки «боғ ҷои таҳамулпазирӣ аст ва мо ягон динро он ҷо тарғиб намекунем».

Ин дар ҳолест, ки Петр Бирюков, сардори хоҷагии манзилию комуналии шаҳри Маскав гуфтааст, майдончаҳо барои намозгузориро мешавад дар саҳни биноҳо дуруст кард, агар худи сокинони пойтахт инро дархост кунанд. «Ҳоло мо дар ҳама кор бо сокинони Маскав машварат мекунем. Онҳо хуҷаини шаҳранд. Муайян мекунем, ки ҷонибдорони кадом фикр зиёданд ва мо бо ҳамон амал мекунем», -афзудааст Бирюков.

13-уми август рӯзномаи «Известия» навишт, ки «мақомоти шаҳр идеяи дар майдонҳои сабзи Маскав ҷойгир намудани ҳудуди 100 майдончаи намозгузорӣ барои мусалмонҳоро баррасӣ доранд».

Дар ин матлаб гуфта мешуд, тарҳи ин майдончаҳоеро, ки дар чанд сония дуруст ва баъди адои намоз ба осонӣ ҷамъ мешаванд, Тигран Арутюнян кашидааст. Ба қавли Арутюнян бо ин васила мушкили намозгузории одамонро зимни ҷашнҳои бузург мешавад ҳал кард.

Манбаъ навиштааст, Иди Саиди Фитрро дар кӯчаҳои Маскав 149 ҳазор нафар ҷашн гирифтаанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!