Русский  >>  فارسی  >>  Душанбе 5 декабр 2016, 09:32

Шӯрои сиёсии ҲНИТ хост, роҳбарият фаъолтар бошад

14 август 2013, 14:53

Шурои сиёсии Ҳизби наҳзати исломии Тоҷикистон, имрӯз, 14- уми августи соли 2013 дар ҷаласаи худ, масъалаи интихоботи дар пеш истодаи президентӣ ва омодагии ҳизбро ба он баррасӣ кардааст.

Тибқи иттилои дафтари ҲНИТ дар Душанбе аъзои Шӯрои сиёсӣ таъкид кардаанд, ки ҳамагуна талош барои берун бурдани фазои интихоботӣ аз қолаби конститутсионӣ ва фарҳанги сиёсӣ, чи аз тарафи баъзе намояндагони мақомоти ҳокимият ва чи ҳизбу ҳаракатҳо, бояд ҳамчун амали мухолиф ба қонунгузорӣ ва манфиатҳои миллӣ шинохта ва ба ҷомеа муаррифӣ карда шавад.

Шӯрои сиёсӣ аз ҷумла он зуҳуротро, ки дар арафаи интихобот масъулони ҳимоят аз меъёрҳои Сарқонун, фаъолияти ҳизби сиёсии характери динидоштаро зери суол мебаранд, нигаронкунанда хондааст.

Ба иттилои манбаъ, аъзои Шурои сиёсии ҲНИТ таъкид бар он карданд, ки роҳбарияти ҳизб бояд дар баробари қонунвайронкуниҳо фаъолтар шуда, чораандеширо бештар кунад: “Бояд роҳбарияти ҳизб корҳои лозимаро барои ҷалби таваҷҷуҳи масъулин, ниҳодҳои давлатӣ ва ҷомеаи кишвар ба ҳолатҳои поймолшавии арзишҳову меъёрҳои Сарқонун ва Созишномаи Сулҳ, ки аз тарафи шахсиятҳо, доираҳо ва ҳатто мансабдорон сурат мегирад, анҷом диҳад.”

Инчунин, аъзои Шурои сиёсӣ равишҳои ширкати ҳизб дар интихоботро баррасӣ намуда, таъкид кардаанд, ки новобаста аз вокуниши дигар ҳизбу ҳаракатҳо ва мақомот, ҲНИТ бояд талошҳои худро барои тақвияти фарҳанги сиёсии муътадил дар асоси қонунгузории кишвар ва манфиатҳои миллӣ идома дода, масъулияти худро дар назди ҷомеъа анҷом диҳад. Аъзои Шӯро гуфтаанд, хотири расидан ба ваҳдати миллии комил, ҲНИТ-ро водор кардааст, ки масъалаи пешниҳоди номзад аз дохили ҳизбро ҳамчун гузинаи истисноӣ ва ахири худ дар ин раванд муаррифӣ намояд.

Зимни ҷаласаи Шӯрои сиёсии ҲНИТ пешниҳод шудааст, ки агарчи фурсат кам боқӣ мондааст, боз ҳам талошҳо барои расидан ба тавофуқ атрофи як номзади сатҳи миллӣ идома ёбад ва авлавият ба нафарҳое дода шавад , ки намояндаи ин ё он ҳизби сиёсӣ набуда, тавонад тамоми кишрҳои ҷомеъаро атрофи ҳадафҳои муштараки миллӣ ҷамъ намояд: “Дар сурати пешниҳоди номзади ҳизбӣ, бояд ба ҷомеа далелҳо ва сабабҳои чунин тасмим ошкор ва шаффоф ироа гарданд. Самимият, мантиқӣ ва дур аз эҳсосот амал намудан аз муҳимтарин омилҳои комёбӣ дар ин раванд дониста шуд.”


Шарҳи худро бинависед:

Ном:*
E-Mail:
Матни шарҳ:
Посух додан
  • Собир

  • 14 август 2013 17:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Э бародаро, ягон номзади арзанда надоред, кучо талоши бехуда мекунед. Барои се мох хаёзу мекунед, боз дар баробари хамдигар рухомон дуд мекунад. Кабирй ва Хусайнй вакили мардумй хастанд, ганда мй? Биёед, барои тинчию амонй, вахдати комили мардум ва ободии Ватан аз Чаноби Олй чонибдорй кунем. Агар бовар дошта бошед, ки акаллан 20 фоиз овоз мегиред, ин хам кирои гап нест.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дур-дур бози кун Собир. Чаноби олит 21 сол рохьари кард, бас нест? Ё 21 дигар мехохи?
Посух додан
  • Нури

  • 14 август 2013 23:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кабирй ва Хусайнй вакили мардумй хастанд дар чандсоли вакил будан ҳарду чикорҳоро анҷом додан дар Тоҷикистон ки овоз медиҳи ту бародар сода буди бовар накун гапҳоӣ депутатҳоӣ дуруғгуӣро калуш медиҳам газ мегузаронам ҳамааш дуруғ барой вазифа индафа инхел депутатҳо даркор нест тоҷикоба

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!