Русский  >>  فارسی  >>  Шанбе 3 декабр 2016, 11:44

Ноболиғон дар Душанбе корхонаи “Брокери хизматгузорӣ-гумрукӣ”-ро ғорат кардаанд

14 август 2013, 16:28

Вазорати умури дохилии Тоҷикистон се ноболиғро ҳамчун гумонбар дар дуздии амволи корхонаи ҶДММ “Брокери хизматгузорӣ-гумрукӣ” дар Душанбе дастгир кардааст.

Тавре аз ниҳоди мазкур ба “Озодагон” иттилоъ доданд, ноболиғон-Аминҷон Аламов соли таваллудаш 1997, сокини кӯчаи Фирдавсӣ, хонандаи синфи 9-уми мактаби миёнаи таҳсилоти умумии №5, Рустам Баротов соли таваллудаш 1998, сокини шаҳри Кӯлоб, хонандаи синфи 6-уми литсейи махсуси касбии №1 ва Ҳалимов Ҷаҳонгир соли таваллудаш 1998, сокини кӯчаи Деҳотии пойтахт, намехонад, дастгир карда шуданд.

Бино ба нақли манбаъ, ноболиғон рӯзи 28-уми июли соли равон, тирезаи корхонаи ҶДММ “Брокери хизматгузорӣ-гумрукӣ”, воқеъ дар кӯчаи Шоҳтемурро шикаста аз онҷо 1-адад компютери тамғаи “Самсунг”, 2-адад протсессори компютер, ҷамъ ба маблағи умумии 3000-сомониро дуздида, аз ҷойи ҳодиса ғайб задаанд. Аз рӯи ин ҳодиса парвандаи ҷиноӣ оғоз гардида, тафтишот идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!