Русский  >>  فارسی  >>  Чоршанбе 7 декабр 2016, 02:44

Рафтуомади мошинҳои сабукрав ба Бадахшон барқарор шуд

14 август 2013, 17:56

Ҳаракати мошинҳо ба вилояти Бадахшон, ки бегоҳи 13-уми август дар пайи селхезӣ дар ноҳияи Дарвоз баста шуда буд, бегоҳи имрӯз, 14-уми август дубора барқарор гардид.

Тавре монобеи маҳаллӣ аз ҷойи ҳодиса хабар доданд, айни ҳол ҳаракати мошинҳои сабукрав барқарор шуда, дар назар аст, ки то шаб ҳаракати мошинҳои боркаш низ оғоз гардад.

Кумитаи ҳолатҳои фавқулоддаи Тоҷикистон таъйид намуд, ки дирӯз, 13-уми август, тақрибан соати 17:08 дақиқа дар километри 428-429-и шоҳроҳи Душанбе-Хоруғ, дар мавзеъи деҳаи Курговади ноҳияи Дарвоз сел ҷорӣ шуда, роҳи мошингардро маҳкам кардааст.

Султоншоҳ Бандалиев, роҳбари дастгоҳи раиси ноҳияи Дарвоз дар суҳбат бо “Озодагон” гуфт, айни ҳол дар 6 ҷои ноҳия сели калон омадааст, ҳамаи техникаи мавҷударо сафарбар карда, техникаи ноҳияҳои ҳамсояро низ ҷалб намудаанд: “Сардори ситоди ҳолатҳои фавқулодда бо раису муовинони раиси ноҳия аз дирӯз дар он ҷойҳо кор карда истодаанд.”


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!