Русский  >>  فارسی  >>  Якшанбе 11 декабр 2016, 13:02

Суд шаҳрвандони Ӯзбакистонро, ки як тоҷикро куштаанд 14 сол равонаи зиндон кард

22 июл 2011, 11:31

Додгоҳи шаҳрии Санкт-Петербург чор шаҳрванди Ӯзбакистонро дар куштор ва расонидани зарари ҷисмонӣ ба шаҳрванди Тоҷикистон гунаҳкор шинохт.


Маҷаллаи «Шум»-и Русия менависад, Паҳлавон Шарипов, Давронбек Қосимов, Рустам Ғаниев ва Самариддин Баҳриев бо ҳукми додгоҳ дар куштор ва ҳамлаи авбошона айбдор шудаанд.

Суд мушаххас кардааст, ки соли 2009 баъди ошкор шудани дуздии таҷҳизот дар иншооти сохтмонӣ Паҳлавон Шариповро аз кор ронда, музди меҳнаташро намедиҳанд. «Бо мақсади пайдо кардани маблағ Шарипов ҳамроҳ бо Қосимов, Ғаниев ва Баҳриев шабона ба маҳалли сохтмон меоянд, то асбобҳои сохтмониро ба яғмо баранд. Аммо ду шаҳрванди Тоҷикистон, ки дар иншооти сохтмонӣ қарор доштанд, садди ин амали онҳон мешаванд. Дар пайи ҳамлаи яғмогарон яке аз онҳо кушта шуда, нафари дигар ҷароҳати сахти ҷисмонӣ мебардорад», -гуфта мешавад дар иттилоияи прокуратураи шаҳри Санкт-Петербург.

Олоти дуздидашударо бо нақлиёти зери идораи шаҳрванди Тоҷикистон Хуршед Саъдуллоев аз иншоот берун мебаранд. Додгоҳ Шарипов ва Қосимовро 14 солӣ аз озодӣ маҳрум кард. Ғаниев ва Баҳриев бошанд, ҳар кадом барои 13 сол равонаи зиндон шуданд. Мӯҳлати ҷазоро онҳо дар колонаи низомаш пурзӯр паси сар мекунанд. Хуршед Саъдуллоев бошад, барои ҳамдастӣ дар дуздӣ 1 солу 8 моҳ аз озодӣ маҳрум гардид ва бо таваҷҷӯҳ ба ин ки мӯҳлати адои ҷазоро ҳангоми раванди тафтишот паси сар кардааст, аз толори суд раҳо шуд.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!