Русский  >>  فارسی  >>  Шанбе 10 декабр 2016, 00:17

Сафир: Бисёри тоҷикон дар макони тазуҳоротҳои Миср қарор доранд

16 август 2013, 15:55

Сафорати Тоҷикистон дар Қоҳира аз толибилмони тоҷики муқими Миср хостааст, бо пайдо шудани имконият ин кишвари нооромро тарк кунанд.

Назруллоҳи Назар, сафири Тоҷикистон дар Миср ба “Озодагон” гуфт, амалиёти ахири парокандасозии гирдиҳамоиҳо ва дар натиҷаи он сар задани даргириҳои хунину талафоти ҷонӣ вазъиятро то андозае дар Миср хатарзо кардааст. Ӯ гуфт, аксари диаспораҳои тоҷик дар минтақаи наздик ба макони тазоҳурот ва гирдиҳамоиҳо ба сар мебаранд, ки нигаронкунанда мебошад: “Диаспораҳои тоҷик, ки аксари онҳоро толибилмони таҳсилоти динӣ ташкил медиҳанд, асосан дар минтақаи наздик ба макони эътироз ва гирдиҳамоиҳои бардавом, аз ҷумла, майдони “Робиа ал-Адавия” зиндагӣ мекунанд. Албатта, чунин наздикӣ ва муҳити гирдиҳамоиҳо наметавонад беташвиш бошад.”

Сафири тоҷик гуфт, бо вуҷуди ин, ки ягон тоҷик дар ҳаводиси рӯзҳои охир дар Миср осеб надидааст, вале падару модарон набояд, дар ин хусус бепарво бошанд ва барои аз ин кишвари ноором баровардани фарзандонаш талош кунанд.

Назруллоҳи Назар қайд намуд, ки нооромиҳои ахири Миср тамоюли тарки ин кишварро миёни шаҳрвандони Тоҷикистон аллакай бештар кардааст ва аз волидони донишҷӯёни тоҷик даъват намуд, ки барои ин кор мусоидат намоянд, чун бозгашт ба Ватан хароҷоти молиро талаб мекунад.


Шарҳи худро бинависед:

Ном:*
E-Mail:
Матни шарҳ:
Посух додан
  • Dovud

  • 16 август 2013 16:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ajab hukumate! har mohu har ruz az mo moliyot megirand amomi zaminu obu havoi kishvarro har khele ki khohadmefrushanu istifoda mekunand mmo baroi 4tlabaro ovardan ba PADARU MODARho murojea mekunand.
in sharmandagist dar hej joi dunyo baroi in korho az padaru modar pul namegirand baroi in korho budjai makhsus ast magar dar dunyo kasero az ofat najot dihand boyad pul dihad
ammo gunohi imillati besavodu ghulomsifati tojik ast ki hukuki khudro namedonad va namekhohad donad
harchi bar saramon oyad hakamon ast

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!