Русский  >>  فارسی  >>  Сешанбе 6 декабр 2016, 10:47

Тавофуқоти Раҳмону Шинаватра дар бораи хатсайри Душанбе-Бангкок

19 август 2013, 16:36

Эмомалӣ Раҳмон, раисиҷумҳури Тоҷикистон, имрӯз, 19-уми август бо Йинглак Шинаватра, сарвазири Таиланд нахуст дар мулоқоти хоса ва сипас дар музокироти сатҳи олӣ мавзӯъҳои ҳамгироии сиёсӣ дар минтақаи Осиё ва густариши робитаҳои иқтисодию тиҷоратӣ, сармоягузорӣ ва фарҳангию гуманитариро баррасӣ кардааст.

Тибқи иттилои дафтари матбуоти раисиҷумҳури Тоҷикистон, ҷонибҳо таъкид намудаанд, ки “оид ба аксари масъалаҳои доғи рӯз ва марбут ба мушкилоти умдаи глобалӣ мавқеи монанд ё ба ҳам наздик дошта, барои дарёфти роҳҳои ҳалли онҳо кӯшишҳои муштарак анҷом медиҳанд”.

Бино ба таъкиди Эмомалӣ Раҳмон, “шоҳигарии Тайиланд аз ҷумлаи кишварҳое мебошад, ки ҳамеша дар қатори ҷонибдорони иқдоми глобалии Тоҷикистон дар соҳаи об қарор дорад ва иштироки ҳайати воломақоми ин кишвар дар чорабинии муҳимтарини Соли байналмилалии ҳамкорӣ дар соҳаи об боз як нишонаи мавқеи хайрхоҳонаи он нисбати ташаббусҳои созандаи кишвари мо мебошад”.

Йинглак Шинаватра дар навбати худ баён доштааст, ки “мо пешвоию раҳнамоии Тоҷикистонро дар минтақа ва ҷаҳон дар соҳаи об ва “энергетикаи сабз” баланд қадрдонӣ карда, аз он пайваста пуштибонӣ менамоем”.

Ду ҷониб ба мувофиқа расиданд, ки барои густариши бештари робитаҳои мустақим, аз ҷумла барои рушди туризм миёни пойтахтҳои ду кишвар, шаҳрҳои Душанбею Бангкок хатсайри мустақими ҳавоӣ кушода шавад.

Пас аз анҷоми мулоқоту музокирот Созишномаи байниҳукуматӣ доир ба бекор намудани талаботи раводид барои дорандагони шиносномаҳои дипломатӣ, расмӣ ва хизматӣ ба имзо расида, эъломияи муштарак қабул гардид.

Баробари ин имрӯз 19-уми август Эмомалӣ Раҳмон, як қатор меҳмононро, ки барои ширкат дар конфронси байналмилалии об ба Душанбе ташриф овардаанд, ба ҳузур пазируфта, масоили мубрами Тоҷикистон, минтақа ва ҷаҳонро баррасӣ намудааст. Нишасти байналмилалии об дар Душанбе 20-21-уми август бо иштироки намояндагони беш аз 70 кишвари дунё дар назар аст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
<<Озодагон>> доир ба ин мулокоти баландпоя матлаби бисёртаре нашр менамудед хеле хуб мешуд. Чунки Таиланд як давлати хеле экзотики буда, структураи муомилоти молии мо бо он кишвар чи гуна хохад буд? Агар саёхати он чойро дар назар дошта бошем, факат <<новые таджики>> онро ба худ зебон шуморида метавонанд.
Посух додан
  • п

  • 20 август 2013 07:53
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хатсайри Душанбе-Бангкок. Магар хамин гуна шартномахо имруз ба мардуми мо лозиманд? Ки кудрати ба Таиланд рафта сайру тамошо карданро дорад? Заводу фабрика, чойхои кори лозиманд.
Посух додан
  • Firuz

  • 20 август 2013 10:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Salom,
Xelo kori xub agar xatsayr kushoyan kori mo studentoro xelo va xelo oson mekunand. dar holi ozi nimi jahona megardi bad da Dushanbe merasem va agar in xatsayr kushoda shavad xele ikdomi xub ast.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар Точикистонс учетем мигрантов зиёда аз ду миллион мардум бекоранд, в место того чтоб им построить рабочие место, на правительственном уровне решают тупые вопросы, как и где отдыхат бо пулхои мардум.. или будут открыват авиарейсы ради какого то чиновничья паразита(Фируз или как там тебя звали),..

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!