22 авг 2013 09:07Тоҷикистон / Иҷтимоӣ / Тема дня

Оҷонсии фасод ҷузъиёти боздошти собиқ судяи Душанберо ифшо кард

Оҷонсии мубориза бо фасод дар Тоҷикистон бо пахши як иттилоия ҷузъиёти боздошти собиқ судяи Душанбе, раиси суди ноҳияи Нуробод, Алимов Абдулҳакимро баён кардааст.

Ба иттилои оҷонсӣ Алимов Абдулҳаким, ки қаблан дар вазифаи судяи суди шаҳри Душанбе кор мекардааст, моҳи июни соли 2012 аз вакили мудофеъ Саъдуллоев. Б барои ба манфиати зерҳимояи ӯ ҳал намудани баҳси манзилӣ пора талаб кардааст.

Ба иттилои Оҷонсӣ, Алимов ҳамчун шахси мансабдори давлатӣ, ба ивази 7000 доллари амрикоӣ ба порадиҳанда ваъда додааст, ки шахсан баррасии баҳси мазкурро ба истеҳсолоти худ гирифта, ба манфиати зерҳимояи Саъдуллоев, Раҳимова З.Ҳ. ҳал хоҳад кард.

Ба иттилои Оҷонсӣ Саъдуллоев. Б дар утоқи кории судя ба ӯ 2000 доллари ИМА пешниҳод мекунад, аммо судя розӣ нашуда талаб менамояд, ки миқдори талабкардаашро ба пуррагӣ оварда диҳад: “Адвокат ин талаби судя Алимовро ба зерҳимояаш мерасонад, аммо зерҳимояаш Раҳимова З.Ҳ. ба суханҳои адвокат бовар накарда хоҳиш менамояд, ки шахсан бо судя ҳамсӯҳбат шавад. Сипас дар утоқи кории судя Алимов дар ҳузури адвокат аз Раҳимова З.Ҳ. маблағи 7000 доллари амрикоиро талаб менамояд. Раҳимова З.Ҳ. ба дасти адвокат 7000 доллари амрикоиро қарз гирифта медиҳад, ки сипас ин маблағҳоро Алимов А.В. дар утоқи кориаш гирифтааст.”

Оҷонсӣ мегӯяд, дар натиҷаи амалиёти муштараки кормандони агентӣ ва прокуратура ин амал ифшо шуда, нисбати собиқ судяи шаҳри Душанбе, Алимов Абдулҳаким барои гирифтани пора, аз тарафи Прокурори генералии Тоҷикистон парвандаи ҷиноятӣ оғоз шуда тафтишот идома дорад.

Ба иттилои манбаъ айни ҳол нисбати Алимов чора дар намуди ҳабс татбиқ карда шудааст.

Мӯҳр

Хабарҳои монанд:

Чабрдида

Ин хел судяхои харомхурхо бисёранд пул гирифта бахсро ба тарафи хамон хал мекунанд. Инсоф дар суду прокатура нест нагз дида бароед ин хел Алимовхо бисёранд

Ҷавоб диҳед Иқтибос Шикоят

Хакикатчу аз Марказ

Ахсан ба Шумо аз хама шохаи давлат, ки ба фасод саро по олудааст ва инсофу вичдон надоранд. 99%-и ин судияхо хароман. Ба сабабе, ки карорро худашон мебароранд на аз ХУДО(Ч) метарсанд ва на аз Конун, Як нишонаи дигар ба Шумо кормандони Агенти ин Судихои нохияхои шахри Душанбе, махсусан нохияи Сино. Судия Муллоев падараш корманди вазорати корхои дохили. Масъапаро ба манфиати касе хохад хал мекунад, аз бало наметарсад, барои САРПУША дорад. Лекин фикр мекунам вакту соати онхо низ мерасад. Ба кормандони Агенти дар рохи халолу росту пок барору бурдбори тамано дорам.

Ҷавоб диҳед Иқтибос Шикоят

777

Корупсия тамомои шохахои далатро фаро гирифтааст.. Хукумати Чумхуриро хукумати дуздону порахурон мегуяед. ,ки ин дар хакикат наздик аст.... Президенти оянда саравал дар ин бора бояд фикр кунад.... Вагарна пояи давлат фано меёбад.... Кормандони корупчия як маротиба ба нохияи Варзоб сафар кунед..... Вазирон,чонишонионхо,кормандони хифзи хукук ва ахли Оила чи гуна дачахоро сохтаанд..... Дар Амрико ин гуна сохтмонхоро дарёфт намекуни.... Фаъолияти макомоти корупчия самарабахш нест..... То хол ягон мансабдори олимаком хешу таборхои онхо,момнополистон ба махкама кашида нашудаанд.. Парвандаи чинлои Гоибов,Очилови сарсахт ,Саидов заказной хастанд Бо ин парвандахо обруй гирифтан номумкин аст...

Ҷавоб диҳед Иқтибос Шикоят

Эзоҳ илова кунед