Русский  >>  فارسی  >>  Шанбе 27 май 2017, 05:23

Кормандони “Амонатбонк” дар тасарруфи маблағҳо муттаҳам мешаванд

22 август 2013, 15:58

Оҷонсии мубориза бо фасоди Тоҷикистон алайҳи як гуруҳ кормандони “Амонатбонк”, ки дар созиши пешакӣ барои тасарруфи маблағҳои давлатӣ айбдор мешаванд, парвандаи ҷиноӣ боз намудааст.

Ба иттилои манбаъ Раёсати оҷонсӣ дар вилояти Суғд дар натиҷаи гузарондани санҷиш ва ҷамъоварии мавод дар филиалҳои Амонатбонк дар Исфара, дар соли равон 169 ҳазору 301 сомонӣ камбуди маблағ ошкор кардааст.

Ба гуфтаи масъулини Оҷонсӣ нозир-хазинадорони Бонки мазкур, Нуринбоева Гулчеҳра, Зарипов Тоҳир ва Мусоев Абдурауф дар он гунаҳкор мешаванд, ки бо маслиҳати пешакӣ бо собиқ мудири ҳамин Бонк Назиров Абдуаллӣ, собиқ муовини бонк, Мирзомансурова Муҳаббатхон ва собиқ сармуҳосиб Каримова Моҳӣ бо роҳи сохтакорӣ ва сӯиистифода аз ваколатҳои мансабиашон бо тасарруфи маблағҳои пулии "Амонатбонк"-и Исфара даст задаанд.

Масъулини Оҷонсӣ мегӯянд, аз рӯи ин қазия парвандаи ҷиноӣ оғоз шуда, тафтишот идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Май 2017    »
ДушСешЧорПанҶумШанЯкш
1234567
891011121314
15161718192021
22232425262728
293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!