Русский  >>  فارسی  >>  Якшанбе 4 декабр 2016, 19:15

Ташкили ситоди муштарак ва эълони мукофот барои ошкори қотилони Халлоқовҳо

22 август 2013, 18:04

Мақомоти тоҷику қирғиз барои ошкорсозии қотилони хонаводаи Халлоқов ситоди муштарак таъсис додаанд.

Дар ин бора расонаҳои қирғизӣ аз қавли Улан Рисбеков, муовини сардори Раёсати корҳои дохилии вилояти Бодканди Қирғизистон хабар медиҳанд.

Улан Рисбеков гуфтааст, мақомоти пулиси вилояти Суғди Тоҷикистон барои мусоидат дар ошкор кардани қотилони ин хонавода 10 ҳазор доллари амрикоӣ мукофот таъйин кардааст.

Ба гуфтаи Рисбеков ин ҳодиса сокинони Самарқандаки Қирғизистон, воқеъ дар минтақаи марзии ин кишвар бо Тоҷикистонро маҷбур ба тарки хонаҳояшон кардааст: “Ҷониби Тоҷикистон дар қатли Халлоқовҳо қирғизҳоро айбдор мекунад, ки ин дар навбати худ метавонад бетартибиҳоро ба бор орад. Алакай бархе аз кудакон ва занҳои деҳаи Самарқандак минтақаи баҳсноки марзиро тарк карда истодаанд. Аммо дар маҷмуъ вазъият таҳти назорат мебошад.”

Маврид ба зикр аст, ки шоми 19 ба 20-уми август, дар ҷамоати Чоркуҳи ноҳияи Исфара болои як хонаводаи тоҷик шабохуни мусаллаҳона сурат гирифта буд.

Дар натиҷаи он 4 узви ин хонавода, Бобо Ҳаллоқови 61-сола, ҳамсари ӯ, духтараш, ки ба меҳмонӣ омадааст ва наберааш ба ҳалокат расида буданд. Тибқи иттилои мақомоти пулиси тоҷик, набераи 12-солаи соҳибхона дар шуъбаи эҳёгарии беморхона ҷон бохтааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!