Русский  >>  فارسی  >>  Сешанбе 6 декабр 2016, 17:07

7 назар: Оё имкони такрори ҳаводиси солҳои 1992 вуҷуд дорад?

23 август 2013, 11:12

Дар пасманзари ҳушдорҳои зиёд аз такрори ҳаводиси солҳои 90-ум дар Тоҷикистон, "Озодагон" аз таҳлилгарони тоҷик суол кард, ки "оё воқеан, имкони такрори ҳаводиси солҳои 1992 дар кишвар вуҷуд дорад?

Сайфулло Сафаров, муовини раиси МТС

Ин эҳтимолият вуҷуд надорад, зеро мардуми мо таҷрибаи муайян дорад ва аллакай сиёҳро аз сафед фарқ мекунад. Қувваҳое ҳастанд, ки намехоҳанд ин кор такрор шавад. Вале дар ҳар ҳол мехоҳанд то як мавқеъи муайян дар ҷомеа дошта бошанд. Ҳаводиси солҳои 1992 дигар такрор намешавад. Президент дуруст мекунад, ки он солҳоро фаромӯш накунед, мегуяд. Чун агар мо ин гапҳоро нагӯем, ҳамагуна вақоеъи таърихӣ такрор шуданаш мумкин аст. Вале дар он шакле, ки соли 1992 буд дигар намешавад. Ба ҳар ҳол эҳтиёт хуб аст, ба мардум гўшзад кардан даркор, ки эҳтиёт бошанд.

Раҳматилло Зоиров, раиси ҲСДТ

Дар ҳамин вақту соат такрор шудани дубораи вақоъеи солҳои 1992 имкон надорад. То интихобот ва дар ҷарёни интихобот ин тавр шуданаш ғайриимкон аст. Вале агар дар натиҷаи интихобот тақаллубкорӣ ба миён ояд, эҳтимолияти такроршавии ҳаводиси соли 1992 хеле баланд мешавад. Гуфтаҳои президент мабнӣ бар ин, ки шукронаи сулҳу истиқлолият кунеду солҳои ҷангу нооромиро фаромуш насозед, на ба он маъност, ки ӯ хоҳиши дубора такрор шудани он ҳаводисро дорад. Ӯ барои он ин суханонро мегӯяд, ки ҳокимиятшро эмин нигоҳ дорад. Хуб мешуд, агар президент дар интихобот ширкат намекарду кафолати шаффофияти онро медод. Дар ин сурат эҳтимолияти ҳеч гуна такроршавии он ҳаводис намемонд.

Амир Қарақулов, раиси ҲАТ

Ҳаргиз имкони такрор шудани вақоъеи солҳои 1992 дар Тоҷикистон вуҷуд надорад ва мо бояд ба ин роҳ надиҳем. Худо ба ин миллати тоҷик ақли солим, заковат, идрок ва ҳушёрӣ диҳад.

Исмоил Талбаков, муовини раиси ҲКТ

Ин эҳтимол вуҷуд надорад. Ман худам чун дигар мардуми Тоҷикистон дар маркази он ҳодисаҳо қарор доштем. Кўр як маротиба асои худро гум мекунад ва навбати дигар бо ҳамин асои худ раҳашро ёфта меравад. Ҳаводиси солҳи 1992 мумкин орзуву ҳаваси онҳое бошад, ки оромиву якпорчагии Тоҷикистон ва волоияти қонунро дидан намехоҳанд. Аз тариқи телевизион дида истодаем, ки дар дунё чӣ гузашта истодааст. Мардум баъди гузаронидани он солҳо як марҳилаи муборизаи демократӣ дар ҳаёти ҷомеа ва сиёсатро пеш мегиранд ва барои ин ақли мардуми Тоҷикистон мерасад. Ягон шаҳрванди Тоҷикистон чӣ дар дохилу чӣ дар хориҷ намехоҳад он ҳодисаҳо такрор шавад.

Сайъидумар Ҳусайнӣ, муовини раиси ҲНИТ

Ҳаргиз имкон надорад. Чун ҳам мардум дигар шудаанд ва ҳам замон дигаргун шудааст. Мардуме, ки соли 1992 якбор фиреби фиребкоронро хўрда буданд, дигар иншоаллоҳ фиреб намехўранд.

Шариф Муллоев, устоди ДСТ


Ба фикрам, мо, ки ҳама меваи истиқлолиятро дар давоми 20 сол чашидаем, бояд ба ақлу заковат ҳар амали хешро дар тарозуи ақл баркашем ва нагузорем, ки он ҳаводиси хело нангин барои мардуми тоҷик такрор шаванд. Ман ҳамеша ба оянда ба чашми нек менигарам. Боварӣ дорам он рўзҳои шум, ки моро дар тамоми ҷаҳон шарманда карда буданд дигар такрор намешаванд. Ҳама дар таи ин солҳо хуб дарк кардаанд, ки оқибати ҷанги шаҳрвандӣ чӣ подоше медиҳад. Бояд шукри ин давлат ва ин макон намуд, ки мо озод ва хуб зиндагӣ дорем.

Ҷура Юсуфӣ, коршиноси масоили сиёсӣ

Ҷанги нангини шаҳрвандӣ, ки авоили солҳои 1990 ба вуқуъ пайвасту Тоҷикистонро ғарқи хун кард, як саҳифаи бисёр сиёҳу тирае дар таърихи ин миллати мазлум буд. Сабабҳои ҷанги бародаркуши мо барои чандин насли тоҷик кофист ва мо бояд дар ҳар рафтори худ ин воқеъаро фаромуш накунем. Дар ин ҷаҳону минтақае, ки мо зиндагӣ мекунему бо ин ҳамсояҳое, ки дорем, ҳанӯз ҳам хавфи сар задани муноқишаҳои дохилӣ дар кишвар вуҷуд дорад. Ҳарчанд мо инро намехоҳем вале ҳастанд нерӯҳое дар атрофи кишвари мо, ки мехоҳанд бори дигар Тоҷикистонро ба маркази даргириҳо табдил диҳанд ва дар ин оташ дастҳои худро гарм созанд. Ин хавф ҳанӯз бартараф нашудааст. Тарафайн беҳтар аст аз баъзе даъвоҳои худ ба хотири такрор нашудани он солҳо бигзаранд. Дар ин сурат ҳеч қувваи беруна ҳам коре карда наметавонад.


Шарҳи худро бинависед:

Ном:*
E-Mail:
Матни шарҳ:
Посух додан
  • малик

  • 23 август 2013 11:53
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ба ин сиёсати пешгирифтаи хукумати хозираи ачабе не ки солхои 92 такрор шавад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ИншоАлоох ягон гап намешавад! Ва баъдан лозим нест гузаштаро ба хотири олуда сохтани фикри мардум ............ Мо безорем аз он рузхои гузашта. Худованд ободиро дар ватанам аз ин хам зиёда гардонад! Омин
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин ходисахо дигар такрор намешавад, аммо намедонам бо чи максад бошад, ки аз тарафи Шабакаи якуми Точикистон байни мардум тафрикаандози мешавад ва мардумро нисбати як хизбие, (ХНИТ) ки конуни дар Вазорати адлия сабт шудааст, мешуронад ва суханони гайри ахлоки мегуянд, ки ба шани ин шабака намезебад. Мардум эхтиёт бошед аз ин шабака!!!
Посух додан
  • Чаббор

  • 23 август 2013 16:16
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рахматило мегуд, ки Э Р мехохад, хукуматаш эмин бимонад. Бале хукумат эмин бошад, мардум хам эмин аст. Пас ин хуб аст. Домло Талбаков бошад, маколи Кур асояшро як бор гум мекунад-ро холо хам нафахмидааст. Ин макол маънои онро дорад, ки кур асояшро, ки гум кард, гирифтори фалокат мешавад. Бародарони сиёсатмадор худро шарманда накунед. Аввал андеша ва онгах гуфтор...
Посух додан
  • kulob

  • 23 август 2013 17:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
xudo digar nishon natiyad on jangro.boevikhovu kamandirho meguyand in bor jang shavad to buxorovu samarkanda zada-zada merem bo barodaroni tojiki afgoniston.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Точикон хам миллати кару гунгу кунда нестанд.Аз он ходисахо бадтарашро интизор шудан мумкин буд ва хаст.Чаро?Чунки,агар хамин шахсоне,ки имрузхо дар сари кудратанд,аз президенту хокимият сар карда,то котибу раиси чамоати дехот,як кисми алохидаи аз сари мансабу вазифа рафтаро мемонданд,онхо дунёи Точикистонро мечушониданд.Дар давоми ин солхо,он гуна тоифахои чангчуву норозиву хаммаслаку хамфикру хамандеша,даххо маротибахо мардумро ба табаддулот бармехезониданд.Чаро мо худрову чамъиятро фиреб дихем?Кару кундаву гунг гуфтани банда аз он маъни аст,ки миллати мо хам аз сиёсат дур нест,хар рузу хар соат мардуми одди,аз тахлилу хулосахои сиёси гап мезананд.ВАО дорем,гуфту гуи байнихаму интернети дорем,аз вазъхои сиёсиву иктисодиву маънави бархурдорем.пас мо точикон вучуд надорем магар?Миллату мардуме,ки аз сиёсату тахлили хаёту сарнавишти худ дур аст,танхо махлук асту халос.Сиёсатшиносхову тахлилгароне ба майдон омадаанд,ки худро чупону мардумро рама мехисобанд.Раксхои чаноби Рахмону Окилову Амиршоеву дигар мансабдорону "корпуси дипломати"и чумхури,кадахбардории Достиеву нушбоди дигар калонхои чумхурии Точикистонро хазорхо нафархо тамошо кардаанд.Агар хамин рафторхоро шахсони дигаре ки рохбарии Точикистонро ба ухда медоштанд,мекарданд.манзурам,ягон Шарофов,Абдуллоев.Ширинбеков,Сафарбеков,ин
бахонаи таппа тайёр барои такрори ходисахои бадтарин мешуд.Ё тули ин солхо набудани газу барк,фохишагарии занхои сабукпо,мухочирату гариби,....каторахои ифлоси Точикистон ва сабабхои бади ичтимои,далелхое мешуданд,ки такрори он ходисахоро боз пеш меовард.Холо "команда"и рохбарони болои,ба як "дивизия"и махсус табдил ёфтааст.Аз раиси Чумхури то котибу раиси махаллаву деха.Бо замми ин ХНИТ а ХСДТ,галабаи Рахмонро дар интихоботи ноябри таъмин месозанд.Рахмон албатта пируз хохад шуд.Мухочирон бошанд,хиссаи бузурги сиёси мебошанд.Онхо алхол дар фикри интихоботу интихоби президент нестанд.Онхо дар фикри фардои худ хастанд.Дар фикри Рахмон не,дар андешаи он хастанд,ки шахрдори Москва ки мешуда бошад?Ташаббуси мухочирситезонаи Собянин,аз Москва сар зада,ба тамоми каламрави Россия пош хурд.Барои онхо хеч фарке надорад,ки ки дар Точикистон президент мешавад.
Посух додан
  • Усмон Усмонов

  • 24 август 2013 09:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хеч гох миллати мехнаткаши Точикистон боз чанги шахрвандиро намехоханд, аммо мехоханд, ки обод бошанд.
Мансабдорони бехунар, ки аз хисоби мардум худашонро обод мекунанд ва сабабгори мушкилливу душворихои зиндагии миллати Точикистон хастанд, барои нафсашон ва фоидаи муфт, дор бисёр сохахо ба миллити Точикистон чангида истодаанд. Бояд ба чунин шармандаги хам хотима дихем.
Посух додан
  • Мардбача

  • 24 август 2013 11:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мардуми точик хеч вакт чангро намехоханд ва бояд нагузоранд,ки боз ходисахои солхои навадум руй диханд. Барои ин бояд хатман интихоботи Раиси Чумхур демократи ,шаффоф гузарад ва ба хамаи хизбхо ва харакатхои мардуми як хела шароит фарохам оварда шавад. Хизбхо бояд якдигарро дар пеши мардум паст назананду , барномахое пешниход кунанд,ки мардумро аз ин холати факру камбизоати берун кунанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
АВВАЛАН ИНШОАЛЛОХ КИ ЯГОН ГАП НАМЕШАВАД ВА БАЪД АЗ ОН ХАМОН ПРЕЗИДЕНТ БО ХУКУМАТДОРОНИ ТОЧИКИСТОН КАМТАР ФИКР КУНАНД, КИ СОЛХОИ ОХИР БА ХАЛК МАЪКУЛ НЕСТАНД БАРОИ ОНЕ, КИ ЯГОН НАВИГАРИ НАКАРДААНД БАРОИ ОНЕ, КИ ЯГОН ГАП НАШАВАД БОЯД САРИ ВАКТ ХОХ БА ИСТЕЪФО РАВАНД Ё КОРЕ КУНАНД, КИ ХАЛК КАМЕ ХАМ НАБОШАД БОВАРАШОН КУНАНД.
МО БОЯД МОНАНДИ ХАЛКУ ДАВЛАТХОИ АРАБ ГУМРОХ НАШАВЕМ ВА НОМУСРО АЗ ЯПОНИХО ЁД ГИРЕМ АЗ УХДА НАМЕБАРОИ Ё НАБАРОМАДИ ДАР ХАМИН СОАТ ИСТЕЪФО ДЕХ БАЪД ТОЧИКИСТОН ОБОД МЕШАВАД...

Усмон Усмонов,
Саломат боши....

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!