Русский  >>  فارسی  >>  Сешанбе 6 декабр 2016, 07:54

Дар Питер алайҳи муҳоҷирон митинг кардаанд

23 август 2013, 12:44

Шаби гузашта дар ҷазираи Василеви Санкт-Петербург гирдиҳамоӣ алайҳи муҳоҷирон баргузор шуд, хабар додааст ТВ100.

Ба иттилои манбаъ, сокинони кӯчаи Вёсел бо нишони эътироз аз хобгоҳе, ки муҳоҷирон ба сар мебаранд, таҷаммуъ кардаанд. Гуфта мешавад, даҳо нафар ба назди хонаи №6 омада, чанд мусофиркаши ҳомили муҳоҷиронро, ки аз кор бармегаштанд, ҳалқа гирифтаанд.

Сарчашма хабар додааст, ки қариб буд, ин гирдиҳамоӣ ба задухӯрди оммавӣ бипечад. Ба маҳалли гирдиҳамоӣ кормандони пулис омадаанд. Ба иддаои сокинони маҳаллӣ ба наздикӣ ҳудуди 300 муҳоҷирро ба бинои чандқабата оварданд, ки амнияти онҳоро халалдор мекунанд.

Пулис ҳуҷҷатҳои ҳамаи мусофирони автобусро тафтиш намуда, танҳо се нафарро, ки иҷозаи кор ва қайди муваққат надоштанд, боздошт кардааст.

Бино ба иттилои ғайрирасмӣ ин муҳоҷирон аз Маскав ба Петербург барои бунёди терминали нави фурудгоҳи Пулково омадаанд ва бинои бисёрқабата дар Вёсел, ки онҳо зиндагӣ мекунанд, ба як ширкати хусусие таалуқ дорад.

Гуфта мешавад, ин муҳоҷирон аз Осиёи Марказиянд, аммо ҳоло маълум нест, ки миёнашон шаҳрвандони Тоҷикистон ҳам ҳастанд ё на.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!