Фурӯши маҳсулоти арзон барои кормандони вазорати мудофиа

Бо мақсади беҳдошти шароитҳои моддию маишии хизматчиёни ҳарбию ғайри низомии вазорати мудофиа аз ҳисоби замини хоҷагиҳои ёрирасони назди раёсати ақибгоҳӣ ярмаркаи фурӯши маҳсулоти хурокворӣ ва маҳсулоти кишоварзию донагӣ ба роҳ монда шудааст.

---

Дар ин бора Фаридун Маҳмадалиев, сухангӯи вазорати мудофиа ба хабаргузории «Озодагон» итилоъ дод.

«Тайи як моҳи охир дар як қатор қисмҳои низомии тобеъи вазорат фурӯши маҳсулот бо нархи нисбатан арзон бароҳ монда шудааст. Афсарону хизматчиён    имкон доранд, маводи гуногуни хӯрокворӣ ва маҳсулоти полезию донагиро бо нархҳои нисбатан арзон дастрас намоянд. Дар ин замина барои таъмини хизматчиёни ҳарбию ғайринизомии дастгоҳи марказии вазорат  ва «Ситоди генералии қувваҳои мусаллаҳ» бо маҳсулоти кишоварзӣ масъулини раёсати ақибгоҳии ин мақомот вазифадор карда шудаанд, ки аз ҳисоби хоҷагиҳои ёрирасони тобеи қисмҳои низомӣ ва ё автамашинаҳое, ки аз ноҳияҳои дурдаст ба ҷониби пойтахт ҳаракат мекунанд аз деҳқонону хоҷагидорон маводи ғизоиро харидорӣ намуда, ярмаркаи маҳсулотҳои истеъмолиро бо нархи арзон ба роҳ монанд»,- афзуд Маҳмадалиев.    {jathumbnail off} Мӯҳр