Русский  >>  فارسی  >>  Чоршанбе 7 декабр 2016, 19:26

(САДО) Қувватов ҳукми истирдодаш ба Душанберо рад кард

26 август 2013, 08:41

Умаралӣ Қувватов, раҳбари созмони мухолифи “Гуруҳи 24” бо пахши як садо дар интернет аз охирин ахбори марбут ба қазияи боздошту истирдодаш иттилоъ дод.

Қувватов дар ин навор, ки шоми 25-уми август пахш шуд, изҳор медорад, ки айни ҳол дар Дубай қарор дорад ва аз он, ки гӯиё додгоҳи таҷдиди назар ҳукми истирдодашро баровардааст, расман ба ӯ касе хабар надодааст. Қувватов мегӯяд, давоми 4-5 рӯз бо касе иртибот надоштааст ва акнун бо фароҳам шудани аввалин имконият ин наворро пахш намудааст, то оммаро аз вазъи нигоҳдошт ва дидгоҳаш дар мавриди ҳаводиси ахири Тоҷикистон огоҳ кунад. Ӯ бар он таъкид дорад, ки мардуми Тоҷикистон бояд барои баргузории интихоботи шаффофу демократӣ талоши қотеъона кунанд.

САДОИ ПАХШКАРДАИ ҚУВВАТОВ ДАР ИНТЕРНЕТ

Николай Николайев, вакили мудофеи Қувватов, ки ин сабти аудиоиро пахш намуд, имрӯз, 26-уми август дар суҳбат ба “Озодагон” гуфт, то ҳол дар мавриди истирдоди Қувватов ба Душанбе ҳукми расмие мавҷуд нест.

Ин дар ҳолест, ки Анвар Қувватов, бародари Умаралӣ, қаблан иттилоъ дод, ки додгоҳи таҷдиди назари Дубай, ҳанӯз моҳи июл, бе ҳузури худи Умаралӣ қарори истирдодашро ба Душанбе бароварда буд.

Дар зимн як гуруҳ рӯшанфикрони тоҷик, 22-юми август, бо пахши як муроҷиатнома аз мухолифин ва фаъолони ҷомеаи Тоҷикистон хостанд, ки алайҳи истирдоди Қувватов ба Душанбе садо баланд кунанд, чун муътақиданд, ки ӯро дар Ватан шиканҷа ва дигар бадрафторӣ интизор аст.

Маврид ба зикр аст, ки тобистони соли гузашта дар Маскав аз ҷониби соҳибкори фирорӣ Умаралӣ Қувватов “Гурӯҳи 24” ташкил шуд ва бо даъвати ӯ аз Эмомалӣ Раҳмон ба нагузоштани номзадиаш дар интихоботи соли 2013 дар забони матбуот афтод. Умаралӣ Қувватов, шарики собиқи тиҷории яке аз домодҳои раисиҷумҳури Тоҷикистон арзёбӣ мешавад, ки то фирораш ба Маскав дар як соли пеш раҳбарии ширкатҳои “Тоҷирон” ва “Фароз”- аз ширкатҳои асосӣ дар бозори фурӯши маводи сӯхти Тоҷикистонро бар ӯҳда дошт.

Баъди таъсиси “Гурӯҳи 24” Қувватовро шарикони собиқаш ба сирқати 6 миллион сомонӣ аз ширкати “Фароз” айбдор карданд. Моҳи декабри соли 2012 ӯ бо дархости мақомоти Тоҷикистон дар шаҳри Дубайи Имороти Муттаҳидаи Араб боздошт шуд. Додгоҳи Дубай дар моҳи апрел ҳукми бозпас фиристодани ӯ ба Душанберо содир кард. Вале Умаралӣ Қувватов аз ин ҳукм ба додгоҳи таҷдиди назар шикоят бурдааст. Дар мавриди қарори додгоҳи таҷдиди назар, ки 18-уми август дар назар буд, айни ҳол иттилои зиддунақиз дода мешаванд, аммо худи Қувватов онро рад мекунад.


Шарҳи худро бинависед:

Ном:*
E-Mail:
Матни шарҳ:
Посух додан
  • Шахриёр

  • 26 август 2013 09:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар ин записи аудиоат кати мардуми точика фиреб карда наметони мардум орому осуда зиндаги доранд намехоханд шумо баринхоро гуш кунанд. Дар хаки шумо хам хеч нафаре дуои хайр намекунад, баръакс Худовандро зора мекунем, ки аз ин бадхохон давлати моро нигох дорад. Шумо ва мисли шумо баринхо мехоханд бо он хочагонашон давлати орому осудаамонро нест кунанд, низоъ андозанд локин Худованд шуморо ба максадатон намерасонад иншоллох мардуми азияткашидаи точик намехоханд дигар садои тиру туфангро. Бас кунед кинаву адоватро, бубин ба кучохо гирифтор шудаи...
Посух додан
  • Хуршед

  • 26 август 2013 10:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шахриёр (шахтиёр!)
Ту аз номи халки точик гап назан!! Агар чашми дили ту нобино бошад, хама монанди ту нест!! Охир шароити Точикистонро мебинй!? Бубин зиндагй чихел душвор аст. Бубин кариб ду миллион мардуми бошарафи точик гуломи дари бегонагон шудаанд аз дасти ин касифхо!! Ё ту хам яке аз хапомхурхо хастй ва дар тагат мошинхои кимат дорй ва на парвои миллату ин дунё ва на парвои охират!! АЛЛОХ хидоятат еунад бародар шахрибеёр.Шахриёр,
Посух додан
  • Содик

  • 26 август 2013 11:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаноби Умарали! Мо хама медонем, ки муассиси хакикии ширкатхои Точирон ва Фароз шумоед, локин фаромуш накунед, ки мо дар Точикистон зиндаги дорем. Дар кишваре, ки агар президенташ ба шаффофияти интихобот кафолат дихад хам Сарконунаш кафолат намедихад. Аз ин ру дар баррасии казияи Шумо низ адолат риоя нахохад шуд. Агар вокеан пул пешниход карда бошанд ба такдир тан дихеду пулро гиред ва тичорати навро кушоед, албатта на дар Точикистон, ки боз агар муваффак шавед аз дастатон мегиранд.
Посух додан
  • Карим

  • 26 август 2013 21:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шахриер ба фикрам худат бо хочагонат мардуми точика баин хол овардаед. Тичораташро аз худ карде бо хачаи калонат гурезонаш кардед боз вай гунахгор?
Посух додан
  • hisor

  • 27 август 2013 06:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
zik nashen barodaro hamin hafta ba dushanbejona miyoranush..yak kurtai chakan tayor kuned.raksi arabira yod giriftai.
Посух додан
  • Шахриёр

  • 27 август 2013 09:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Карим,
Хуршед,
Риск аз чониби Худованд аст бародари азиз медонам, ки курсаводи, шароити Точикистон бехтарин шароит аст барои инсони солимакл, дар рохи рост мехнати халол куни иншоллох Худованд риската медихад. Бо Шумо бахс кардан хайф аст, барои мафкураи шумо пуч аст...

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!