Русский  >>  فارسی  >>  Панҷшанбе 8 декабр 2016, 05:08

Ашқобод изҳороти Оқил Оқиловро дурӯғ хонд

26 август 2013, 13:42

Вазорати умури хориҷии Туркманистон бо пахши як изҳорот гуфтаҳои Оқил Оқилов, сарвазири Тоҷикистонро, ки барои ҳифзи ҳосили кишоварзони туркман аз обанбори Норак имсол оби бештар раҳо шудааст, беасос хонд.

Вазорати умури хориҷии Туркманистон мегӯяд, ягон дархостеро барои раҳоии бештари об аз Норак ба Тоҷикистон ироа накардаанд. Мақомоти туркман таъкид мекунанд, ки ҳеч дастгирии обиро аз Тоҷикистон нагирифтаанд ва ҳосилоташонро ба шарофати сиёсати дурусти обёрикунӣ ҳифз кардаанд.

Ин дар ҳолест, ки Оқил Оқилов, сарвазири Тоҷикистон, дар нишасти хотимавии конфронси об дар Душанбе, дар мавриди ҳамкорӣ дар соҳаи об, Туркманистонро барои кишварҳои поёноби Осиёи Миёна ибратомез хонд, ки роҳи гуфтушунидро пеша кардааст. Ӯ мисол овард, ки ахиран мақомоти туркман дар муроҷиат ба Тоҷикистон фаҳмонданд, ки барои ниёзи хоҷагидорияшон ба оби бештар ниёз доранд ва ҷониби Тоҷикистон, оби бештарро аз “Норак” раҳо кард ва ниёзи ҳамсояашро баровард.

Оқилов дар пасманзари мавқеъгириҳои зӯргӯёнаи Узбакистон таъкид намуд, ки “Тоҷикистон сиёсаташро дар умури об на дар асоси мухолифатҳо, балки дар асоси якдигарфаҳмию муколама ба роҳ мондааст.” Сарвазири Тоҷикистон бо зикри он, ки дар кишвар нерӯи барқ намерасад ва хоҷагидорӣ дар сатҳи лозима фаъолият карда наметавонад, азхудкунии муштараки захираҳои бузурги обро зарур хонд ва такрор намуд, ки сиёсати Тоҷикистон ба зарари кишварҳои поёноб нигаронида нашудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мо дуруггуии на танхо Окилов, балки хама мансабдорони худро медонистем. Вале ба фикрам бори аввал аст, ки хоричиён Сарвазири моро ба дуруггуи муттахам мекунанд. Хайфи чунин вазир
Посух додан
  • исмоил

  • 26 август 2013 23:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
кати хами рохбаритону давлатдоритон шармандахои беномус дар дохил гапи ростда кор надоре о заруре дар адреси як давлати дигар дуруг меге. Агар номус доштабоше баъди хамин изхороти Туркман хам призиденту хам сарвазир ИСТЕФО тиен! Ин Зайд Саидовай ки тухматуш мекуне, як фоишара овардиян гуе соли 2008 тачовузуш кардай 2010 хомила шидай 2012 таввалуд кардай.

Ин чандумин иштибохи сиёсии командаи пришудаи президент дар ду хафтаи ахир аст. ватоев, Хликов ва холо Окилов. Ин маънои онро дорад, ки инхо хатто гапзада хам наметавонанд, чи расад ба ин ки давлатро идора кунанд. далелаш ин аст ки хамаашон пир шудаанд бояд раведу ба наберахоятон гуед, ки ба шумо суруди "додом шинад чой хурад, ман чойрезаки додомро" хонанд! Вагарна окибати ин иштибохоятон хам сари мардумро мехурад ва хам хукуматро!
Посух додан
  • али

  • 27 август 2013 02:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Озодагон чи кадар мухаббате нисбати шумо пайдо кардаем шумохам охиста-охиста мисли Озоди шуда истодаед. ба нафси касе нарасидаем чаро матлабамонро чоп намекунед.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!