Русский  >>  فارسی  >>  Шанбе 10 декабр 2016, 19:33

Тақсими замин бо ҳузури президент ва Убайдуллоев дар Душанбе

27 август 2013, 08:37

Имрӯз, 27-уми август, дар маҳаллаи Ховарони шаҳри Душанбе, бо ҳузури Эмомалӣ Раҳмон, раисиҷумҳури Тоҷикистон ва Маҳмадсаид Убайдуллоев, раиси Душанбе барои 727 оилаи эҳтиёҷманди пойтахт тариқи қуръапартоӣ замин тақсим гардидааст.

Тибқи иттилои дафтари матбуоти раисиҷумҳури Тоҷикистон, барои омодасозии инфрасохтори зарурии ин маҳалла, аз ҷумла кашидани хатҳои барқ, шабакаҳои обрасонӣ, бунёди зеристгоҳи барқӣ, роҳсозӣ ва ободонии атрофи ин минтақа дар давоми солҳои 2007-2013 аз ҳисоби буҷети шаҳри Душанбе дар маҷмӯъ ба маблағи 41 миллион сомонӣ корҳо иҷро гардидаанд. Ғайр аз ин, давоми соли равон барои ободониву бунёди шабакаҳои инфрасохтори мавзеи зикршуда аз ҳисоби буҷети шаҳри Душанбе қариб 70 миллион сомонӣ сарф карда мешавад.

Ба иттилои манбаъ тибқи нақшаи генералии маҳаллаи Ховарон солҳои наздик дар ин ҷо як қатор иншооти муҳим, аз ҷумла чор мактаби нав бо тамоми шароити муосир, боғчаҳои кӯдакона, биноҳои маъмуриву маишӣ, ошхонаву марказҳои тиҷоратӣ, дармонгоҳ ва монанди инҳо сохта мешавад. Дар ин минтақа зиёда аз 60 ҳазор нафар аҳолӣ аз чор ноҳияи пойтахт ҷойгир карда мешавад.

Қаблан Маҳмадсаид Убайдуллоев, раиси шаҳри Душанбе қарор карда буд, ба 712 нафар шаҳрвандони эҳтиёҷманд, аз ҷумла дар ноҳияи Сино-208 нафар, ноҳияи Шоҳмансур-168 нафар, ноҳияи Фирдавсӣ-168 нафар ва ноҳияи И.Сомонӣ-168 нафар, инчунин дар асоси қарорҳои марбутаи Раиси шаҳр иловатан ба 15 нафар сокинони шаҳр дар маҷмуъ 727 қитъаҳои замини масоҳаташ 0.03 (сифр аз сад се) га, барои истифодаи бемӯҳлат ҷиҳати сохтмони хонаҳои истиқоматии инфиродӣ дар кварталҳои 14-15 маҳаллаи «Ховарон» дар доираи Нақшаи генералии Душанбе ҷудо карда шаванд.

Бо дастури Убайдуллоев барои роҳ надодан ба тақаллубкорӣ рӯйхати ниёзмандон ба заминро комиссияи махсуси ҷамъиятӣ санҷида буд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хуб агар раваду такаллубкори набошад, кори хайрест бар мардуми точик. Чун вазъияте надоранд бо инмаоши мегирифтаашон замин бихаранд!
Посух додан
  • Безамин

  • 27 август 2013 10:05
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дуруг аст факат ба хешутабори масъулин замин додаанд. кай дидед ки ба як камабагал замин диханд, факат барои интихобот бояд як реклама шавад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
И гапо хамаш дуруг фиреб менан одамора. ина мо дар я оила да нафарем ва дар ду хонага зиндаги менем,номамоя навиштан бад кураш карда хамсоямо чияни навруз молочний номнавис кардак и доданша.
Посух додан
  • shams

  • 28 август 2013 10:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаноби оли дигар кор надорад чи?
Ё дар оянда хатто барои хостогории як хонавода чаноби оли бояд пеш дарояд.
Посух додан
  • Шохид.

  • 29 август 2013 08:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман шохиди ин вокеъа будам ба ягом мухточ замин чудо нашуд. Ман дидам,ки факат шахсони мансабдор ва пулдор заминро гирифтанду халос хато ман бо хамсояхоямон омадем унхо аз 1997 дар навбат буданд унхоро сагхо яъне милисахо заданд нагузоштанд,ки пеши рахмон раванд. Хама через буд. Ин рекламаи пешазинтихоботи буд барои овозчамкни лек инро донанд,ки охи мазлум ин золимхоро мегирад.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!