Русский  >>  فارسی  >>  Якшанбе 11 декабр 2016, 09:06

Додгоҳ дар иддаои “ислоҳшуда”-и зиёиён низ ғалатҳо ёфтааст

27 август 2013, 12:16

Имрӯз, 27-уми август, Додгоҳи ноҳияи Фирдавсии шаҳри Душанбе муайян намудааст, ки дар даъво ва асноди пешниҳодкардаи зиёиёни тоҷик алайҳи Олга Тутубалина, на ҳамаи камбудиҳои қаблан ошкоршуда ислоҳ гардидаанд.

Шуҳрат Қудратов, вакили мудофеи "Азия плюс" дар суҳбат ба “Озодагон” гуфт, зимни мулоқоти ҷонибҳо имрӯз, 27-уми август муайян шуд, ки ҷониби даъвогар на ҳамаи камбудиҳои аризаи даъвогияшонро ислоҳ кардаанд. Дар рафти мурофиаи гузашта ба мо маълум гардид, ки ҷониби даъвогар қисми ваколатномаҳое, ки ба Рустам Устобоев, намояндаашон дар додгоҳ пешниҳод кардаанд ба қонун мутобиқат намекунад. Ба ҷузъ ин иддаои зиёиён камбудиҳои зиёди дигаре доштанд.”

Ин дар ҳолест, ки додгоҳи ноҳияи Фирдавсии шаҳри Душанбе рӯзи 19-уми август ба намояндагони зиёиёни тоҷик муҳлат дода буд то камбудиҳои даъвояшонро алайҳи Олга Тутубалина, муҳаррири "Азия Плюс" ислоҳ кунанд. Аз он пештар додгоҳи иқтисодии Душанбе аризаи даъвогии зиёиёни тоҷикро ба хотири камбудияш, ки бо забони русӣ навишта шуда буд, рад намуд.

Панҷ иттиҳодияи эҷодию илмӣ ва Дилбар Абдиева, номзади илмҳои тиб, дотсенти кафедраи бемориҳои венерологӣ аз болои рӯзноманигор Олга Тутубалина ва нашрияи “Азия Плюс” ба додгоҳ муроҷиат карда, ҳабси амвол ва рӯёнидани 200 ҳазор сомониро талаб карда буданд.

Даъвогари асосӣ Иттифоқи нависандагон дар ҳамроҳӣ бо Академияи улуми Тоҷикистон, Иттифоқи рассомон, Иттифоқи оҳангсозон, Иттифоқи меъморон иддао доранд, ки Тутубалина дар матлабаш “Неинтеллигентно об интеллигенции” тамоми қишри ҷомеаро, ки ба фаъолияти эҷодию илмӣ машғуланд, таҳқир кардааст. Тутубалина дар матлабаш бозгашти шоири тоҷик Бозор Собирро аз Амрико ба Ватан баррасӣ карда, аз суханони Владимир Ленин, асосгузори давлати Шӯравӣ, ки гуфтааст, "Зиёиён на мағз, балки наҷосати миллатанд" кор бурдааст ва таъкид кардааст, ки ин суханонро метавон на танҳо нисбат ба Бозор Собир, балки нисбат ба бисёре аз зиёиёни дигар кор фармуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Алимухаммад

  • 27 август 2013 13:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рости гап хич нафахмидам, ин чи хел зиёи будааст, боз хам як гурухе, ки як аризаи дуруст ба суд навишта наметонад????? Айбаст моро бо ин хел зиёиёнамон....
Посух додан
  • Курбон

  • 27 август 2013 22:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Значит Ленин худаш хам зиёи набудаасту рузноманигорон хам ба гурухи зиёиён дохил намешуданд гуед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Алимухаммад,

Ҳамааш баҳона аст, ай бародар. Ин кор бо маслиҳат шуда истодааст. Ин судяҳо намехоҳанд як зани рус, шаҳрванди дурӯғини Тоҷикистонро, ба ягон намуди муҷозот бикашанд. Одатан ҳарду ҷониб ҳам адвокат доранд. Ин чӣ будаст, ки ҳамеша дар ҳуҷҷатҳои даъвогарон "хато ва камбудиҳо" будаасту, тарафи муқобил сап-сафед, моҳ барин. Пас, адвокати зиёиён ҷӯгии халтабардӯш аст, ки ҳеч чизро намефаҳмидааст? Инҷо бозии сиёсӣ рафта истодааст. Судя мурофиаро тарзе мекашад, ки охир даъвогарон безор шуда, ба "оштии ҷонибҳо" розӣ мешаванд. Ана, мебинем. Агар ба ҷои О.Т.и гумном ягон тоҷик мешуд, кайҳо ба "сад миллион доллар" ҷарима шуда буд. Мисоли айён қазияи намояндаи Маҷлиси Олии ММ ҶТ М.Кабирӣ, ки осонакак тӯҳматро ба гарданаш заданд. Ҳатто вакили интихобшудаи мардум буданаш ҳам ба инобат гирифта нашуд! Бале, мо, тоҷикҳо, ягона халқи дунё ҳастем, ки аз ҳаммиллат дида, ба бегонагон муҳаббати бештар дорем. Инро миллати ХУДКУШУ БЕГОНАПАРВАР мегӯянд! Вой ба ҳоли касе, ки тоҷик таваллуд шудааст.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!