Русский  >>  فارسی  >>  Якшанбе 4 декабр 2016, 21:15

Ҳуқуқшинос бозпурсиҳои ташкилкунандагони “флешмоб”-ро “таъқиб” гуфт

28 август 2013, 09:55

Бузургмеҳр Ёров, ҳуқуқшиноси тоҷик мегӯяд, мақомот ҳақ надоранд аъзои гурӯҳи ташаббускори таъсиси ҳизби "Тоҷикистони нав" ва наздикони Зайд Саидовро барои ташкили флеш-моб ва ё маъракаи ҳамраъйӣ бо ин соҳибкор даъвату бозпурсӣ намоянд.

Бузургмеҳр Ёров, имрӯз, 28-уми август, дар суҳбат ба “Озодагон” гуфт, барои ташкили чунин маърака тибқи қонун гирифтани ҳеч гуна иҷозат лозим нест. Ба қавли номбурда аз ҷамъ омадани онҳо ягон амали ғайриқонунӣ дида намешавад, ба касе зарар нарасондаанд ва касеро назадаанд.

Ин ҳамсуҳбатамон илова намуд, ки мақомот баръакс бояд барои бехатарии ҷамъомадагон чораҳои заруриро биандешанд, “аммо ин ҷо баръакс мақомот ба ҷои он, ки функсияи худро иҷро кунад, онҳоро таъқиб менамоянд ва намегузоранд, ки одамон ҳуқуқҳои худро озодона истифода намоянд.”

Ин дар ҳолест, ки мақомоти пулиси ноҳияи Исмоили Сомонӣ дар пайи баргузории флеш моб панҷ писари Зайд ва ташаббускорони ҳизби “Тоҷикистони нав”-ро мавриди бозпурсӣ қарор додаанд. Ин даъвату бозпурсиҳо дар ҳолеянд, ки рӯзи 27-уми август, аз боздошти Зайд Саидов расо сад рӯз пур шуд ва дар маркази Душанбе ба ҷонибдории ӯ як флэш-моб ташкил гардид. Дар флешмоб беш 50 фаъоли ҷомеаи шаҳрвандӣ ҷамъ гардида ба хотири раҳоии Зайд Саидов, ки расо 100 рӯз дар боздоштгоҳ қарор дорад, сад кабӯтар ва як акси калони Зайд бо пуфакҳои газдор ба фазои кушод сар дода шуданд.

Ин иқдом аз тарафи гуруҳи ташаббускорони таъсиси ҳизби “Тоҷикистони нав” гирифта шуда, ба гуфтаи онҳо, мақсади он ҷалби ҷомеаи шаҳрвандӣ ба қазияи Зайд мебошад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!