Кормандони кумитаи ҳолатҳои изтирории шаҳри Хуҷанд баъди ҷустуҷӯйҳои зиёд ҷасади нафари ғарқшударо аз замини қамишзори соҳили Сирдарё пайдо кардаанд, ки ҳанӯз шахсияти он маълум нашудааст.
Ин нафар ҳанӯз санаи 22-уми июл, аснои оббозӣ дар рӯди Сир ғарқ шуда буд. Дар ин бора ба хабаргузории «Озодагон» аз ситоди вилоятии ҳолатҳои фавқулодда иттилоъ доданд.Пайдо шудани танҳо ҷасади ин нафар дар ҳолест, ки сар аз аввали соли равон то ба имрӯз ҳудуди 47 ҳодисаи ғарқ шудани сокинон дар рӯду баҳр ва обанборҳои вилояти Суғд ба қайд гирифта шудааст.
Ҷамшед Кучаков, ёвари ситоди ҳолатҳои изтирории Суғд мегӯяд, аз шумори 47 ҳодисаи ғарқшавии сокинон, 25- тои он дар рӯди Сир ва баҳри Қайроққум рух додааст. Номбурда афзуд, нафари ғарқшуда эҳтимол сокини яке аз навоҳии дурдаст буда, барои оббозӣ ба Сирдарё омада бошад. Гуфтанист, дар рӯдхонаи Зарафшон низ аз аввали сол то имрӯз 12 нафар ғарқ шудаанд.
Дар ҳамин ҳол, камбуди ғаввосони ҳирфаии наҷотбахш мояи нигаронии сокинон аст , ки ба далели набуди ҳавзҳои шиноварӣ, дар ин рӯзҳои гарми тобистон зиёд наврасон худро ба рӯду баҳр мезананд ва аз норасоиву беназоратии нафарони наҷоткор, ҳамасола ҷавонони зиёде бар асари оббозӣ ғарқ шудаву мефавтанд. {jathumbnail off}
Мӯҳр