Русский  >>  فارسی  >>  Сешанбе 6 декабр 2016, 10:42

Вақт ва макони бозии ниҳоии Ҷоми Тоҷикистон муайян шуд

28 август 2013, 12:06

Кумитаи иҷроияи Федератсияи футболи Тоҷикистон эълон дошт, ки бозии ниҳоии Ҷоми Тоҷикистон-2013, дар майдони сунъии Варзишгоҳи марказии Душанбе баргузор мешавад.

Ба итиилои ФФТ, ин бозии соати 19:00-и шоми 5-уми октябр барпо хоҳад шуд. Дар ҳоли ҳозир дар майдони марказии пойтахт сабзаҳои майдонро иваз карда истодаанд ва бояд ҳамаи корро то аввалҳои моҳи сентябр ба поён расонанд.

Ҳамчунин рӯзи 7-уми сентябри соли равон ду дастаи номдори Тоҷикистон-қаҳрамони даври аввали Мусобиқаи қаҳрамонии Тоҷикистон оид ба футбол-“Равшан”-и Кӯлоб ва “Истиқлол”-и Душанбе дар бозии аввали даври дуюми мусобиқоти қаҳрамонӣ дар Варзишгоҳи марказии пойтахт ба сабқат мебароянд. Дастаҳои “Равшан” ва “Истиқлол” яке аз мудаиёни асосии унвони қаҳрамони Тоҷикистон ҳастанд, ки феълан дар ҷадвали мусобиқот якуми бо 27 имтиёз ва дуюми бо 24 имтиёз пешсаф мебошанд.

Ёдрас мешавем, ки дастаи “Истиқлол”-и Душанбе 15-уми июни соли ҷорӣ дар варзишгоҳи марказии Кӯлоб дар бозии охиронаш дар даври аввали мусобиқоти қаҳрамонии Тоҷикистон аз тими “Равшан” бо ҳисоби 1:0 шикаст хурда буд. Дар пайи ин бохти "Истиқлол" мутахассиси сербиягӣ Никола Кавазович, сармураббии ҳамонвақтаи он аз мақомаш барканор гардид ва ба ҷои ӯ Олег Ширинбеков сармураббии дастаи “Истиқлол” таъин шуд, ки дар даври дуюми мусобиқот дастаро роҳбарӣ мекунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!