Уго Чавес, президенти Венесуэла ба ВАО-и кишвараш гуфтааст, дар интихоботи раёсатҷумҳурии соли 2012 низ номзад хоҳад шуд.
Ин суханҳоро Чавес баъди бозгашт аз Куба иброз дошт. Ӯ, ки аз маризии саратон ранҷ мекашад, ба Куба барои муолиҷа рафта буд. Раҳбари Венесуэла сабаби ин тасмимашро ба рӯзномаи ҳукуматии «Correo del Orinoco» чунин шарҳ додаст: "Бо сабабҳои зиёде аз ҷумла тиббӣ, илмӣ ва сиёсӣ ман дар сари қудрат хоҳам монд". Ба иттилои хабаргузории Reuters Уго Чавес қабл аз мӯҳлат ба ватанаш баргашта дар маросими ботантанае, ки ба хотири рӯзи мавлуди қаҳрамони миллии Венесуэла- Симон Болливар созмон ёфт, ширкат намуд. Тибқи маълумотҳо Чавес давоми як ҳафта дар Куба даври аввали муолиҷаро паси сар кардааст. Ба гуфтаи вай алъон барои даври дуюми табобат омодагӣ мегирад, вале ҳоло маълум нест, ки барои ин ба Гавана меравад ё на.
Уго Рафаэл Чавес Фриас 28 июл ба синни 57 мерасад. Чавес дар интихоботи президентии моҳи декабри соли 1998 бо касби 56,5% овозҳо баранда шуд. Соли 1999 Венесуэла сарқонуни нав қабул намуда, дар интихоботи 30 июли соли 2000-ум 60% райъи интихобкунандаҳоро соҳиб шуд. Декабри соли 2006 Чавес дигарбора президент интихоб гардид. Уго Чавесро дар дунё, ҳамчун яке аз интиқодгарони шадиди сиёсати ИМА мешиносанд. Ӯ бо Маҳмуди Аҳмадинажод, райисҷумҳури давлати исломии Эрон, ки ҳамчунон ҳамеша Кохи Сафеди Амрикоро зери тозиёнаи танқид мегирад, аҳди бародарӣ доранд. {jathumbnail off}
Мӯҳр