Русский  >>  فارسی  >>  Панҷшанбе 8 декабр 2016, 10:57

(НАВШУДА) Ҳабси 5-рӯзаи Маҳмудҷон Қосимов ва эълони танаффус дар мурофиа

29 август 2013, 10:10

Имрӯз, 29-уми август додгоҳи ноҳияи Исмоили Сомонӣ дар қисмати аввали мурофиа алайҳи ташкилкунандагони флеш-моб Маҳмудҷон Қосимов, муовини раҳбари гуруҳи ташаббускори "Тоҷикистони нав"-ро ба 5 рӯзи ҳабс маҳкум карда, то соати 13:00 танаффус эълон кардааст.

Ин мурофиа пушти дарҳои баста, алайҳи ташкилкунандагони флешмоб ба тарафдории Зайд Саидов баргузор мегардад.

Мавҷуда Соҳибназарова, узви гурўҳи ташаббускори таъсиси ҳизби «Тоҷикистони нав», дар сўҳбат ба «Озодагон» гуфт, субҳи имрўз ҳамаи ташкилкунандагони флеш-моб, аз ҷумла худи Мавҷуда, Маҳмудҷон Қосимов, Хайруллоҳ Саидов ва чор писари дигари Зайд Саидовро мақомоти пулиси Исмоили Сомонӣ барои бозпурсӣ даъват карда, аз идораи пулис ба додгоҳи ноҳия бурдаанд. Соҳибназарова танҳо ҳаминро хабар дод, ки ташкилкунандагон аз рӯи моддаи 460-и Кодекси маъмурӣ, яъне нақзи тартиботи ҷамъиятӣ ё худ майдаавбошӣ муттаҳам мешаванд. Моддаи 460 муқаррар кардааст, ки "барои дар ҷойҳои ҷамъиятӣ дашном додан, ба таври таҳқиромез дарафтодан ба одамон, ҳамчунин содир намудани дигар кирдорҳои ба ин монанд, ки тартиботи ҷамъиятӣ ва осудагии одамонро халалдор мекунад, - ба андозаи аз ҳафт то даҳ нишондиҳанда барои ҳисобҳо ҷарима ё ҳабси маъмурӣ ба мӯҳлати аз панҷ то понздаҳ шабонарӯз ҷазо таъйин карда мешавад"

Аммо Шуҳрат Қудратов, ҳуқуқшиноси тоҷик, пешниҳоди чунин иттиҳомро алайҳи ташкилкунандагон ғайриқонунӣ гуфт, "чун дар қонунгузорӣ ишора нашудааст, ки барои флеш-моб бояд иҷозат гирифта шавад. Баробари ин ташкилкунандагони флеш-моб як ҷойеро интихоб намуданд, ки тартиботи ҷамъиятиро вайрон намекард. Онҳо дар бом гузарондаанд ва ҳамаи меъёрҳоро риоя кардаанд."

Ин ҳам дар ҳолест, ки рӯзи 27-уми август, ки аз боздошти Зайд Саидов, соҳибкори боздоштшудаи тоҷик расо сад рӯз пур шуд ва дар маркази Душанбе, дар боми бинои "Пойтахт" ба ҷонибдории ӯ як флэш-моб ташкил гардид. Дар маркази Душанбе беш 50 фаъоли ҷомеаи шаҳрвандӣ ҷамъ гардида ба хотири раҳоии Зайд Саидов, ки расо 100 рӯз дар боздоштгоҳ қарор дорад, сад кабӯтар ва як акси калони Зайд бо пуфакҳои газдор ба фазои кушод сар дода шуданд.

Дар пайи ин флешмоб нимаи дуввуми рўзи 27-ум идораи пулиси ноҳияи Исмоили Сомонӣ Маҳмудҷон Қосимов ва панҷ писари Зайд Саидовро барои бозпурсӣ даъват карда буданд. Мақомот иддао доранд, ки ташкили флешмоб ғайриқонунӣ буд.

Зайд Саидов, соҳибкори шинохта ва раҳбари гуруҳи ташаббускори ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми май боздошт шуда, айни ҳол дар боздоштгоҳи муваққатии Кумитаи амнияти миллӣ нигоҳдорӣ мешавад. Ӯ дар порагирӣ, қаллобӣ, тамаъҷӯӣ, таҷовуз ба номус, бисёрзанӣ, алоқаи ҷинсӣ бо ноболиғ ва водор намудан ба исқоти ҳамл муттаҳам мешавад. Коршиносони тоҷик иттиҳомот алайҳи Зайд Саидовро супоришӣ унвон карда, ба азмаш барои ворид шудан ба майдони сиёсат марбут медонанд, аммо масъулини Оҷонсии зидди фасод қатъиян ин иддаоро рад мекунанд.

Айни ҳол парвандаи Зайд Саидов, баъди омӯзиш дар додситонии генералӣ ба Додгоҳи олии Тоҷикистон ирсол шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Dar padari inhel davlatu hukumat na'lat muren ba hami ruzton nomardo!!! IkA i halki tojika chumo kadiyan
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ана инро "Пушти дархои баста" мустакилияти судди мегуянд.Э вой бар вичдони чунин судя, фардо рузи киёмат ин хукуматдорон (дар назар аст хизби хоким) чи чавоб медода бошанд.
Посух додан
  • Э Х

  • 29 август 2013 12:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чанги дуюми шахрвандии Точикистон наздик аст ин навбат тарафдорони Зайд Саидов ба мукобили хукумати феъли мечангад, ки аксарияти чонибдорони З С аз дохили худи хукумат аст.
Посух додан
  • Бародари мусалмон

  • 29 август 2013 12:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мардуми Озодагон, ба хама эхтироме, ки нисбат ба Шумо дорам, як сухан мегуям, хушру кабул намоед. Бо чунин аксхоятон, бачахои бечораро дар бало гирифтор кардед. Чи мешуд, ки Шумо аз кори шудаги акс бардоред, зебоии парзании кабутархои рахошударо нишон дихед, боло рафтани аксро ба намоиш гузоред, аз нишон додани иштирокчиён чи максад доред? Ин суханонро хохед нашр накунед, просто барои худатон мегуям.
Ба вичдонам савганд, аз дусти гуфтам.
Посух додан
  • душмани фатох сагуф

  • 29 август 2013 12:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин аблахо милати точикро нестмекунанду китайёра бахоки точик меоранд?ватан модараст мегуфтан, амо ин беномусон модарашонро фурухтанд?инмардонеки мехоханд милати сухтаву факиро озодкунанд? бароиин инбалохоро басарашон меоранд?
Посух додан
  • Дуи

  • 29 август 2013 13:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
вой бар холи мардуми точик
Посух додан
  • 11

  • 29 август 2013 14:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин номардо дар ин 5 рузи зиндон кардан Маҳмудҷон Қосимов ягон чиз дар зиндон мехуронанд

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!